તાજેતરમાં જ મોટર વ્હીકલ એક્ટમાં અનેક એવાં ફેરફાર થયાં છે. ત્યારે કેટલાંક જૂના નિયમોને ખતમ કરવામાં આવ્યાં છે. આમાં એક ખાસ નિયમ એ છે કે જો વ્હીકલમાં કોઇ ફેરફાર કરે છે તો આ મોટર વ્હીકલ એક્ટ નિયમનું ઉલ્લંઘન માનવામાં આવશે અને રજિસ્ટ્રેશન પણ રદ્દ કરવામાં આવશે. ત્યારે આવાં બીજા પણ કેટલાંક નિયમ છે કે જેનું પાલન ન કરવા પર ડ્રાઇવિંગ લાયસન્સ સુધી રદ્દ થઇ શકે છે. તો આવો જાણીએ આખરે નવાં-નવાં નિયમો વિશે...
જોર-જોરથી મ્યૂઝીક સાંભળવું:
જો કે કારમાં સંગીત સાંભળવું અથવા મ્યૂઝીક સિસ્ટમ લગાવવી એ કોઇ ગુનો નથી. પરંતુ જો આપ તેજ અવાજમાં સંગીત સાંભળો છો અને અવાજ કારમાંથી બહાર નીકળે છે અને આપને દંડ આપવામાં આવી શકે છે. ટ્રાફિક પોલીસ આને માટે આપને ઓછામાં ઓછો 100 રૂપિયાનો દંડ કરી શકે છે. ત્યારે જો પોલીસને એવું લાગે છે કે આપની ગાડીમાં ફુલ અવાજે મ્યૂઝીક વાગે છે કે જે બીજા માટે ખતરારૂપ છે તો તે ડ્રાઇવરનું ડ્રાઇવિંગ લાયસન્સ પણ જપ્ત થઇ શકે છે.
સ્કૂલની આસપાસ પૂરઝડપે કાર ચલાવવીઃ
જો યુવાઓ સામે પણ એક સમસ્યા હોય છે કે તેઓ સ્કૂલની આસપાસ ટશન મારવાનાં ચક્કરમાં તેજ સ્પીડમાં ડ્રાઇવિંગ કરે છે. સ્કૂલની આસપાસનાં માર્ગો એ ખૂબ સંવેદનશીલ હોય છે. અનેક સ્કૂલોની આસપાસ સ્પીડ સાઇન સાથે સ્કૂલનો સમય પણ લખ્યો હોય છે. ધ્યાનમાં રાખો કે સ્કૂલની આસપાસ 25 કિ.મી પ્રતિ કલાકની ઝડપમાં ડ્રાઇવિંગ ન કરો. આવું કરવા પર આપનું ડ્રાઇવિંગ લાયસન્સ જપ્ત થવાંની સાથે પણ દંડ થઇ શકે છે.
નેવિગેશન સિવાય ફોનનો ઉપયોગઃ
જો કે ડ્રાઇવિંગ દરમ્યાન ફોનનો ઉપયોગ કરવો એ કાયદાકીય રીતે ગુનો છે. પરંતુ વ્હીકલ ચલાવતી વેળાએ ટ્રાફિક પોલીસવાળાં જો તમને જોઇ લે તો આપને પણ દંડ થઇ શકે છે. નિયમો અનુસાર, નેવિગેશન સિવાય મોબાઇલ ફોનનો ઉપયોગ કરવો એ ગેરકાનૂની છે. ડ્રાઇવિંગ દરમ્યાન ફોન પ્રયોગ કરવાંથી એક્સીડેન્ટ થવાંની સંભાવના વધી જાય છે.
બ્લૂટૂથ દ્વારા ફોન પર વાતચીતઃ
અનેક લોકો વિચારે છે કે માત્ર કાન પર સતત ફોન રાખી મૂકવો એ જ ગુનો છે અને તેઓ એ વિચારીને હેડફોન અથવા તો બ્લૂટૂથનો ઉપયોગ કરવા લાગે છે. અનેક નવી કારની કંપનીઓ પણ પોતાની કારમાં બ્લુટૂથનાં ફીચર આપી રહી છે. પરંતુ આ સંપૂર્ણ રીતે ગેરકાયદાકીય છે. કોઇ પણ પ્રકારથી ડ્રાઇવિંગ દરમ્યાન ફોન પર વાત કરવી એ ગુનો છે અને આવું કરવા પર લાઇસન્સ સાથે દંડ પણ લગાવી શકાય છે.
ઝેબ્રા ક્રોસિંગની અનદેખીઃ
દેશમાં એવાં ઘણાં લોકો છે કે જેઓ ક્યાંય પણ આવવા જવા પર પબ્લિક ટ્રાન્સપોર્ટ પણ નિર્ભર છે અને કોઇ પણ પ્રકારનાં વાહનનો ઉપયોગ નથી કરતાં. રેડ લાઇટ દરમ્યાન લોકો સામાન્ય રીતે ઝેબ્રા ક્રોસિંગ પર ગાડી રોકી દે છે. જે એક ગુનો છે. ગાડીને ઝેબ્રા ક્રોસિંગ પહેલાં જ રોકી દો અને આવું ન કરવા પર ટ્રાફિક પોલીસ દંડની સાથે સાથે કેટલાંક મહીનાઓ માટે લાયસન્સ પણ સસ્પેન્ડ કરી શકે છે.
ફૂટપાથ પર ડ્રાઇવિંગઃ
સામાન્ય રીતે આપણે જોઇ શકીએ છીએ કે મોટે ભાગે લોકો જલ્દીથી પહોંચવા માટે ફૂટપાથ પર ટૂવ્હીલર ચલાવતા હોય છે. ત્યારે આવું કરવાંથી ક્યારેક યાત્રીઓને પણ તકલીફ થતી હોય છે. જેથી આવું કરવા પર પણ જો ટ્રાફિક પોલીસ પકડી લે તો તેનું પણ લાયસન્સ રદ્દ થઇ શકે છે.
પ્રેશર હોર્નનો ઉપયોગઃ
માર્ગ પર સૌથી વધુ તો ધ્વનિ પ્રદૂષણથી લોકો વધારે ત્રસ્ત હોય છે અને કારમાં કાનફોડ હોર્ન લગાવવાંથી આ સમસ્યામાં ખૂબ વધારો થઇ જાય છે. ત્યારે આપણે જોઇએ છીએ કે કેટલાંક લોકો ગાડી કે ટૂવ્હીલરમાં કુતરા ભસવાનો કે ભૂત જેવાં અવાજો નંખાવતા હોય છે ત્યારે આગળ ચાલનારા લોકો ડરી જતા હોય છે. જેથી પ્રેશર હોર્ન લગાવવું એ ગેર કાયદેસર છે અને આવું કરવાંથી પકડાઇ જવા પર પોલીસ લાયસન્સને રદ્દ કરી શકે છે.