સુરતમાં કિન્નરો દ્વારા ટ્રાફિકના નિયમોનું જાગૃતિ એક અનોખુ અભિયાન શરૂ કરવામાં આવ્યું છે. જેણે હેલમેટ ન પહેર્યુ હોય તેને ગુલાબ આપીને જીંદગીનું મહત્વ સમજાવતા હતા અને ટ્રાફિકના નિયમોનું પાલન કરવાનું કહેતા હતા.
કિન્નરોને ટ્રાફિક મુદ્દે કાર્યક્રમતા જોઈને અન્ય નાગરિકો પણ ખુશ
મોંઘવારીમાં સામાન્ય માણસને દંડ ભરવો પોષાય નહીં
સુરત સુરક્ષિત તેમજ સલામત રહે તે જ અમારો આશય- કિન્નારો
સુરતમાં રસ્તે કિન્નરોના ટોળા ઉમટી પડયા હતા. આ કિન્નરોના હાથમાં ગુલાબ હતા અને તેઓ રસ્તે જતા વાહનચાલકોને ગુલાબનું ફુલ ભેટમાં આપતા હતા. રસ્તે આવતા જતા અને ઉભેલા લોકો આ દ્રશ્ય જોઈને અવાચક થઈ ગયા હતા. કારણ કે તેમને એ સમજાતુ જ નહોતું કે, કિન્નરો રસ્તે જતા વાહનચાલકોને ગુલાબ કેમ આપી રહ્યા છે. પણ જ્યારે નજીક જઈને જોયુ તો સમજાયુ કે, લોકોમાં ટ્રાફિક અવેરનેસ લાવવા માટે કિન્નરો દ્વ્રારા આ એક સરસ મુહિમ ચલાવવામાં આવી રહી હતી.
શું કહેવું છે કિન્નરોનું?
આટલી મોંઘવારીમાં સામાન્ય માણસને દંડ ભરવો પોષાય નહીં. વળી હેલમેટ પહેરવું કે PUC કઢાવવું તે આપણા પોતાની સુરક્ષા જ માટે છે. સુરતમાં કોઈ પણ નાગરિક ટ્રાફિક નિયમનો ભંગ ન કરે અને સુરક્ષિત તેમજ સલામત રહે તે જ અમારો આશય છે.
શું કહે છે સુરતના નાગરિક આ અંગે
સુરતમાં આ રીતે કિન્નરોને ટ્રાફિક મુદ્દે કાર્યક્રમતા જોઈને અન્ય નાગરિકો પણ ખુશ હતા અને તેમની સાથે જોડાયા હતા. સામાન્ય નાગરિકનું કહેવું હતુ કે, ખરેખર ટ્રાફિક રૂલ્સ આમ જોવા જાવ તો આપણા માટે જ છે. આપણે ટ્રાફિક નિયમનું પાલન કરીએ એ જરૂરી છે.