1 સપ્ટેમ્બરથી સમગ્ર દેશમાં મોટર વ્હીકલ એક્ટ લાગુ કરી દેવામાં આવ્યો છે. જેને લીધે હવે ટ્રાફિકનાં નિયમોનો ભંગ કરનારા વિરૂદ્ધ ભારેમાં ભારે દંડ વસૂલવામાં આવી રહ્યો છે. ત્યારે હવે ગુજરાતમાં પણ આ નિયમ 16 સપ્ટેમ્બરથી લાગુ થઇ જશે. જે અંતર્ગત હવે રાજ્યમાં ચારે બાજુ લોકોની લાયસન્સ, PUC અને HSRP નંબર પ્લેટ માટેની દોડધામ મચી ગઇ છે. પરંતુ તમારી પાસે હજી પણ સમય છે જેથી ગભરાશો નહીં.
PUC અને HSRP કઢાવવા માટેની આ છે નવી તારીખ
સરકારે રાતોરાત વધારી દીધેલી ટ્રાફિક દંડની રકમથી ફફડાટ મચી ગયો છે. લોકો દંડનાં ડરથી ઝડપથી લાયસન્સ, PUC અને HSRP નંબર પ્લેટ કઢાવવા અધિરી બની છે. પણ ઉતાવળ કરવાની કોઈ જરૂર નથી રાજ્ય સરકારે કાલે જ પ્રેસનોટ જાહેર કરી માહિતી આપી છે કે લોકોને અગવડતાં ન પડે તે માટે PUC કઢાવવાની તારીખ 30 સપ્ટેમ્બર 2019 અને HSRP નંબર પ્લેટ કઢાવવાની તારીખ 16 ઓક્ટોબર 2019 સુધી લંબાવી છે.
આ જાહેરાત બાદ લોકો પાસે 30 સપ્ટેમ્બર 2019 સુધી PUC નહીં હોય તો પણ પોલીસ કે RTO તમને દંડ નહીં કરી શકે. ઉપરાંત 16 ઓક્ટોબર 2019 સુધી જુની વ્હીક્લસમાં HSRP નંબર પ્લેટ નહીં હોય તો પણ પોલીસ કે RTO નહીં રોકે. જો પોલીસ કે RTOના કોઈ પણ અધિકારી તમારી પાસેથી આ અંગેનો દંડ વસુલે તો તમે નીચેની અખબારી યાદી બતાવી કહી શકો છો કે તમે દંડ વસુલી ના શકો.
ઉલ્લેખનીય છે કે 1 સપ્ટેમ્બરથી સમગ્ર દેશમાં મોટર વ્હીકલ એક્ટ લાગુ કરી દેવામાં આવ્યો છે. જેને લઇને હવે ટ્રાફિકનાં નિયમોનો જો ભંગ કરનારા લોકોને ભારેમાં ભારે દંડ ફટકારવામાં આવી રહ્યો છે. કેન્દ્ર સરકારે મોટર વ્હીકલ એક્ટમાં સુધારા કરીને ટ્રાફિક નિયમનાં ઉલ્લંઘન બદલ હવેથી જંગી દંડની રકમ વસૂલવામાં આવી રહી છે. ત્યારે હવે 16 સપ્ટેમ્બરથી ગુજરાતમાં પણ આ કાયદાનો અમલ શરૂ કરવામાં આવશે.
સરકારે સુધારા કરેલા આ મોટર વ્હીકલ એક્ટને લઇને મુખ્યમંત્રી વિજય રૂપાણીએ 10 સપ્ટેમ્બરનાં રોજ પ્રેસ કોન્ફરન્સ કરીને આ એક્ટ અંતર્ગત નવા નિયમોની જાહેરાત કરી હતી. જેમાં રાજ્યની સત્તા હેઠળ આવતા દંડની જોગવાઇમાં ફેરફાર કરાયો છે. આ જોગવાઈમાં સરકારે કેટલાંક દંડમાં ફેરફાર કર્યા છે. કલમ-200 હેઠળ રાજ્ય સરકાર દ્વારા ફેરફાર કરવામાં આવ્યાં છે. જો કે આ મોટર વ્હીકલ એક્ટનાં નવા નિયમો 16 સપ્ટેમ્બરથી ગુજરાતમાં લાગુ થશે. જો કે મોટર વ્હીકલ એક્ટમાં સીએમ વિજય રૂપાણીએ દંડમાં ઘટાડો કર્યો છે. જેમાં રાજ્ય સરકારે 50થી વધુ કલમોમાં સુધારો કર્યો છે.
તમને જણાવી દઇએ કે રાજ્ય સરકારને કાયદામાં ફેરફાર કરવાની સત્તા હોય છે. જેને લીધે કેટલાંક દંડ અને નિયમોમાં પણ ફેરફાર કરવામાં આવ્યો છે. જેમાં ટુ-વ્હીલર અને ટ્રેક્ટરને રાહત આપવામાં આવી છે. આ ઉપરાંત અન્ય પણ કેટલીક રાહતો અપાઇ છે. જેમાં લાયસન્સ કે અન્ય કેટલાંક જરૂરી દસ્તાવેજો સાથે રાખવા જરૂરી નથી. એટલે કે તમારે હવે તમારા લાયસન્સ, PUC અને RC બૂક જેવાં ડોક્યુમેન્ટ્સને તમે ડીજી લોકર એપ્લિકેશનમાં સ્ટોર કરી શકો છે કે જેને માન્ય ગણવામાં આવશે. રાજ્ય સરકાર દ્વારા પોલીસ અને RTOને દંડ વસૂલવાની સત્તા અપાઇ છે.
મોટર વ્હીકલ એક્ટ અંતર્ગત કેન્દ્ર સરકાર અને રાજ્ય સરકાર દ્વારા નક્કી કરાયેલો દંડ
શું છે નવા દંડ-નિયમો અને ફેરફાર?
ગુનો
નવો દંડ (રાજ્ય સરકાર)
નવા મોટર વ્હીકલ એક્ટમાં દંડ (કેન્દ્ર સરકાર)
1. લાઇસન્સ, વીમો, પીયૂસી, RC બુક વગેરે દસ્તાવેજો સાથે ન હોવા પર, PUC કઢાવેલ ન હોવું.
પ્રથમ વખત 500 અને બીજી વખત 1000 રૂપિયાનો દંડ
પ્રથમ વખત 500 અને બીજી વખત 1500 રૂપિયાનો દંડ
2. અડચણ રૂપ પાર્કિંગ
પ્રથમ વખત 500 અને બીજી વખત 1000 રૂપિયાનો દંડ
પ્રથમ વખત 500 અને બીજી વખત 1500 રૂપિયાનો દંડ
3. કાચ પર ડાર્ક ફિલ્મ
પ્રથમ વખત 500 અને બીજી વખત 1000 રૂપિયાનો દંડ
પ્રથમ વખત 500 અને બીજી વખત 1500 રૂપિયાનો દંડ
4. ચાલુ વાહન પર મોબાઇલનો ઉપયોગ
પ્રથમ વખત 500 અને બીજી વખત 1000 રૂપિયાનો દંડ
પ્રથમ વખત 500 અને બીજી વખત 1500 રૂપિયાનો દંડ
5. હેલ્મેટ વગર વાહન ચલાવવા પર
500 રૂપિયા દંડ
1000 રૂપિયા દંડ
6. સીટ બેલ્ટ ન બાંધવો
500 રૂપિયા દંડ
1000 રૂપિયા દંડ
7. ત્રિપલ સવારી મોટર સાઇકલ ચલાવવા પર
100 રૂપિયા દંડ
1000 રૂપિયા દંડ
8. ભયજનક ડ્રાઈવિંગ/ રોંગ સાઇડ ડ્રાઇવિંગ
થ્રી વ્હીલર 1500 દંડ
એલ.એમ.વી. 3000 દંડ
અન્ય 5000 દંડ