દેશમાં નવો મોટર વાહન કાયદો અમલી બનતાં લોકોને મુશ્કેલીઓ પડી રહી છે, જોકે હવે કેટલીક કંપનીઓ આ નવા કાયદાના સમર્થનમાં છે. ગુજરાતમાં એવી કેટલીય કંપની છે, જેમણે પોતાના કર્મચારીઓ પાસે ટ્રાફિકના નિયમોનું પાલન કરાવવા નવી નવી સ્કીમો જાહેર કરી છે તેમાં કાર પુલિંગથી લઇને નિયમોનું પાલન કરનારને વધુ પગાર આપવા સુધીની બાબતનો સમાવેશ થાય છે.
વાઘ બકરી ગ્રૂપે જણાવ્યું છે કે કંપનીના ૧૦૦ વર્ષ પૂરાં થવા પર કર્મચારીઓ ઓછામાં ઓછું પ્રદૂષણ ફેલાવે. આ માટે કર્મચારીઓને કાર પુલિંગનો ઉપયોગ કરવા ટિપ્સ આપવામાં આવી રહી છે.
આ ઉપરાંત કેટલીય કંપનીઓ એ જોઇ રહી છે કે તેમના કર્મચારીઓને ટ્રાફિકના નિયમોની કેટલી જાણકારી છે અને તેઓ તેનો અમલ કરે છે કે કેમ? ટ્રાફિકના નિયમોનું પાલન કરનાર કર્મચારીઓના પગાર વધારવા પર કંપનીઓ વિચારણા કરી રહી છે.
કંપની પોતાના કર્મચારીઓને કાર પુલિંગનો અમલ કરવા અને ટ્રાફિકના નિયમોને પ્રોત્સાહન આપવા માટે તેમના પગાર વધારવા પર વિચારણા કરી રહી છે. અમદાવાદમાં એક ખાનગી હોસ્પિટલે સીસીટીવી કેમેરા લગાવ્યા છે અને કેટલા કર્મચારીઓ હેલ્મેટ પહેરીને આવે તેના પર અથવા સીટ બેલ્ટનો ઉપયોગ કરે છે કે કેમ તેની નજર રાખવામાં આવે છે.