એક સપ્ટેમ્બરથી ટ્રાફિક ચલણની રકમમાં ખૂબ વધારો થઇ ગયો છે. જો કે, અનેક રાજ્યોમાં આ નિયમ સોમવારનાં રોજ લાગુ નથી થઇ શક્યાં. કેમ કે સૉફ્ટવેરમાં અપડેટ ન હોતી થઇ. હવે ધીરે-ધીરે વધારે રાજ્યોમાં આ નિયમ લાગુ થઇ રહ્યાં છે. નવા નિયમ લાગુ થયા બાદ અનેક લોકોનાં વધારે રકમમાં ચલણ કપાયાં છે. પરંતુ જો આપની પાસે માત્ર આ એક મોબાઇલ એપ છે તો આપ આ ચલણથી બચી શકો છો.
હકીકતમાં ગયા વર્ષે જ પરિવહન મંત્રાલયે આઇટી એક્ટની જોગવાઇને હવાલો આપતા કહ્યું હતું કે, હવે ડ્રાઇવિંગ લાયસન્સ, રજિસ્ટ્રેશન સર્ટિફિકેટ અને ઇન્શ્યોરન્સ પેપર જેવાં દસ્તાવેજોની ઓરિજનલ કૉપી વેરિફિકેશન માટે ના લઇ જાઓ. મંત્રાલયે કહ્યું હતું કે, ડિજિલોકર (DigiLocker) અને એમ પરિવહન (mParivahan) એપ પર આપ આપનાં દસ્તાવેજો (ડોક્યુમેન્ટ્સ)ની ઇલેક્ટ્રોનિક કૉપીને માન્ય ગણવામાં આવશે. કેન્દ્ર સરકારે રાજ્યોનાં પરિવહન વિભાગો અને ટ્રાફિક પોલીસને આ સંબંધમાં નિર્દેશ આપતા કહ્યું હતું કે, તેઓ વેરિફિકેશન માટે દસ્તાવેજોની ઓરિજનલ કૉપી ન લે.
એવામાં હવે ટ્રાફિક પોલીસ પોતાની પાસે હાજર મોબાઇલ દ્વારા ડ્રાઇવર અથવા પરિવહનની જાણકારી ક્યૂઆર કોડને આધારે પોતાનો ડેટાબેસ નીકાળી શકે છે અને ડ્રાઇવર દ્વારા ટ્રાફિક નિયમોનું ઉલ્લંઘન કરવાનો પણ રેકોર્ડ રાખી શકે છે. આ સુવિધાનો લાભ ઉઠાવવા માટે આપે આપનાં સ્માર્ટફોનમાં પહેલા ડિજિલોકર અને એમપરિહવન એપને ડાઉનલોડ કરવાની રહેશે. ત્યાર બાદ સાઇન અપ કરવા માટે પોતાનો મોબાઇલ નંબર એન્ટર કરવાનો રહેશે. પછી આપનાં મોબાઇલ પર એક ઓટીપી આવશે. તે ઓટીપીને એન્ટર કરીને વેરિફાઇ કરો. બીજા સ્ટેપમાં લોગ ઇન કરવા માટે પોતાનું યૂઝર નામ અને પાસવર્ડ સેટ કરવાનો રહેશે.
ત્યાર બાદ આપનું ડિજિલોકર એકાઉન્ટ બની જશે. હવે આમાં પોતાનાં આધાર નંબરને પ્રમાણિત કરો. આધાર ડેટાબેસમાં આપનો જે મોબાઇલ નંબર રજિસ્ટર છે તેની પર એક ઓટીપી આવશે. તે ઓટીપીને એન્ટર કર્યા બાદ આધાર પ્રમાણિત કરવાની પ્રક્રિયા પૂર્ણ થઇ જશે. ત્યાર બાદ આપનું ડિજિલોકર એકાઉન્ટ બની જશે. હવે આમાં પોતાનાં આધાર નંબરને પ્રમાણિત કરો. હવે ડિજિલોકરથી આપ આરસી, લાયસન્સ અને ઇન્શ્યોરન્સની કૉપી પણ ડાઉનલોડ કરી શકો છો અને પોલીસને દેખાડી શકો છો. એમ પરિવહન એપમાં ગાડીનાં માલિકનું નામ, રજિસ્ટ્રેશનની તારીખ, મોડલ નંબર, ઇન્શ્યોરન્સની માન્યતા આદિ જાણકારી રહે છે. એવામાં આપે કોઇ પણ પ્રકારનાં દસ્તાવેજોની સાથે લઇને ફરવાની જરૂરિયાત નહીં રહે.