પહેલી ઓક્ટોબર એટલે કે આજથી ઘણા નિયમો બદલાઇ રહ્યાં છે. ખાસકરીને આજથી ટ્રાફિક પોલીસના રોકવા પર ડિજિટલ ડોક્યુમેન્ટસ દેખાડીને આગળ વધી શકો છો. હવે વાહનની સાથે ડ્રાઇવિંગ લાઇસન્સ સહિત બધા પ્રકારના ડોક્યૂમેન્ટસ સાથે રાખવા ફરજિયાત નહી રહે.
કેન્દ્રના રોડ, પરિવહન તેમજ રાજમાર્ગ મંત્રાલયએ ડિજિટલીકરણને પ્રોત્સાહન કરવાની દિશામાં કામ કરતા મોટર વાહન નિયમ, 1989માં સંશોધન કર્યું છે. જેના હેઠળ હવે મંત્રાલયે 1 ઓક્ટોબર 2020થી આ નવા બદલાયેલા નિયમોને લાગુ કરવા જઇ રહ્યું છે. એવામાં હવે ગુરુવારથી તમારે તમારી કાર, બાઇક અથવા પછી કોઇ અન્ય વાહનની સાથે જરૂરી દસ્તાવેજ સાથે લઇને ચલાવાની કોઇ જરૂરિયાત નહીં રહે.
વાહન ચાલક હવે વાહનથી સંબંધિત ડૉક્યુમેન્ટસ Digi-Locker એટલે કે M-parivahanમાં સ્ટોરેજ કરી શકે છે, અને જરૂરિયાત પડવા પર ડિજિટલ માધ્યમથી દેખાડવાની છૂટ રહેશે. એટલે કે હવે ટ્રાફિક પોલીસકર્મી હાર્ડ કોપી માંગી શકશે નહીં.
જો કોઇ વાહન સંબંધી ડોક્યુમેંટસને ડિજિટલ વેલિડેશન પૂરુ થઇ ગયુ છે તો તેણે ફરી ફિઝિકલ રીતે કોઇ ડોક્યુમેન્ટસ દેખાડવાની જરૂરિયાત રહેશે નહીં. આમાં એ મામલા પણ સામેલ હશે, જેમાં નિયમોમાં ઉલ્લંઘન પછી ડોક્યુમેન્ટસ જપ્ત કરવાની જરૂરિયાત હોય છે.
આ સિવાય ટ્રાફિક નિયમોનું પાલન નહી કરનારાઓનું કોઇ ઇ-ચલન પણ સરકારના ડિજિટલ પોર્ટલના માધ્યમથી જારી કરવામાં આવશે. એટલું જ નહીં ડ્રાઇવિંગ લાઇસન્સ કેન્સલ કર્યા પછી ડિજિટલ પોર્ટલ પર રિપોર્ટિંગ કરવું પડશે. સરકાર ઇચ્છે છે કે કોઇ પણ વાહનનું ચેકિંગ વારંવાર ન કરવામાં આવે, જેનાથી રોડ પર ચાલતા ડ્રાઇવરોની પરેશાની ઓછી થશે.
મંત્રાલયે જણાવ્યું છે કે નવા નિયમો પછી ટ્રાફિક ઉલ્લંઘનના કેસ ઓનલાઇન અપડેટ કરવામાં આવશે. જેમાં ઓથોરિટીઝ અને ડ્રાઇવરના વ્યવહારનો રેકોર્ડ પણ રાખવામાં આવશે. જેમાં તપાસનો સમય, પોલીસ અધિકારીનો યૂનિફોર્મ સહિતનું ઓળખ પત્રનો રેકોર્ડ પર પોર્ટલ પર અપડેટ હશે. ટ્રાફિકના નવા નિયમો હેઠળ અધિકૃત અધિકારી પણ આવશે.
તેની સિવાય એક ખાસ નિયમ 1લી ઓક્ટોબરથી બદલાઇ રહ્યો છે. મંત્રાલયે ડ્રાઇવિંગ સમયે મોબાઇલ ફોનના ઉપોયગ કરવાના નિયમોમાં પણ સંશોધન કર્યું છે. ડ્રાઇવિંગ દરમિયાન મોબાઇલ અથવા હેંડહેલ્ડ ડિવાઇસનો ઉપયોગ માત્ર રૂટ નેવિગેશન માટે હશે. આ સાથે જ એ પણ ધ્યાન રાખવાનું હશે કે રૂટ નેવિગેશનના સમયે પુર ધ્યાન ડ્રાઇવિંગ પર જ હોય.
આ સિવાય ફોનનો ઉપયોગ કરવા પર દંડ આપવો પડશે. એ પણ સ્પષ્ટ કરવામાં આવ્યું છે કે ડ્રાઇવિંગ દરમિયાન ફોન પર વાત કરતા પકડાઇ જવા માપર 1,000 રૂપિયાથી લઇને 5,000 રૂપિયા સુધીનો દંડ લાગી શકે છે.
હવે લાઇસન્સ, RC પણ તમે ઘરે બેઠા ઓનલાઇન બનાવી શકો છો. નવા નોટિફિકેશન મુજબ હવે આધાર કાર્ડનો ઉપયોગ ઓનલાઇન ડ્રાઇવિંગ લાઇસન્સ બનાવા, લાઇસન્સનું નવીનીકરણ, ગાડીનું રજીસ્ટ્રેશન અને તેના સાથે જોડાયેલ દસ્તાવેજમાં સરનામું બદલવા માટે હશે.