નવરાત્રીમાં હેલ્મેટ અને ટ્રાફિકના નિયમ પર બનાવેલા ગરબા ધૂમ મચાવશે. શહેરમાં આ વખતે ખેલૈયાઓ માટે નવરાત્રીમાં ટ્રાફિકના નિયમો અને હેલ્મેટ પર ગરબાનો ટ્રેન્ડ જોવા મળશે. સોશિયલ મીડિયામાં ગરબા સોન્ગ ધૂમ મચાવી રહ્યા છે
હેલ્મેટના સોન્ગ અને ગરબાએ સોશિયલ મીડિયામાં ધૂમ મચાવી
‘કોઈ પણ વિહિકલ છે અને PUC સાથે છે તો કોઈ તમને રોકશે નહીં’
‘ના શહેરમાં જવાય, ના બજારમાં જવાય, હેલ્મેટ વગર ચોંય ના જવાય’
રાજ્યભરમાં નવલી નવરાત્રીને હવે ગણતરીના દિવસો બાકી રહ્યા છે ત્યારે ખેલૈયાઓ થનગનવા માટે તલપાપડ થઇ રહ્યા છે, પરંતુ આ વખતે રાજ્યમાં નવા ટ્રાફિકના નિયમોને આવકારવા અમુક લોકો ખુશ છે તો અમુક લોકો તેનો વિરોધ કરી રહ્યા છે ત્યારે આ વખતે નવરાત્રીમાં હેલ્મેટ અને ટ્રાફિકના નિયમ પર બનાવેલા ગરબા ધૂમ મચાવશે. શહેરમાં આ વખતે ખેલૈયાઓ માટે નવરાત્રીમાં ટ્રાફિકના નિયમો અને હેલ્મેટ પર ગરબાનો ટ્રેન્ડ જોવા મળશે.
ગાયિકા દીપ્તિ પાઠકે પણ એક ટ્રાફિક નિયમને લઈ ખેલૈયાઓ માટે સોન્ગ બનાવ્યું
ટ્રાફિકના નિયમોને લઈ ગાયક દિલીપ ઠાકોર દ્વારા ‘હેલ્મેટ વગર ચોંય ના જવાય’ સોન્ગ તૈયાર કરવામાં આવ્યું છે. આ સોન્ગમાં સાંભળવા મળે છે કે, ‘ના શહેરમાં જવાય, ના બજારમાં જવાય, હેલ્મેટ વગર ચોંય ના જવાય’ જે હાલમાં સોશિયલ મીડિયામાં લોકો ખૂબ પસંદ કરી રહ્યા છે તો બીજી બાજુ ગાયિકા દીપ્તિ પાઠકે પણ એક ટ્રાફિક નિયમને લઈ ખેલૈયાઓ માટે સોન્ગ બનાવ્યું છે, જેમાં ‘નવલી નવરાત્રી છે, હેલ્મેટ સાથ છે તો કોઈ તમને રોકશે નહીં’, ‘કોઈ પણ વિહિકલ છે અને PUC સાથે છે તો કોઈ તમને રોકશે નહીં’ તેવો ગરબો બનાવ્યો છે.
ગરબા ગ્રૂપ હેલ્મેટ પહેરી ગરબા રમતાં પણ જોવા મળશે
હેલ્મેટના સોન્ગ અને ગરબા સોશિયલ મીડિયામાં ધૂમ મચાવી રહ્યાં છે, બીજી બાજુ હજુ પણ કેટલાક લોકો ટ્રાફિકના નિયમોનું પાલન ન કરતા હોય તેવું જોવા મળી રહ્યું છે ત્યારે આ વખતે નવરાત્રીમાં ટ્રાફિક અવેરનેસ આવે તે માટે ગરબા ગ્રૂપ હેલ્મેટ પહેરી ગરબા રમતાં પણ જોવા મળશે.