કાર્યવાહી / ગાંધીનગરઃ નો પાર્કિંગમાં ધારાસભ્યની પાર્ક કરેલી કારને ટ્રાફિક પોલીસે કરી દીધી લોક

ગાંધીનગર વિધાનસભામાં ધારાસભ્યએ ટ્રાફિક નિયમનું ઉલ્લંઘન કરતાં ટ્રાફિક વિભાગે કાર્યવાહી કરી છે.  ધારાસભ્યએ નો પાર્કિંગ એરિયામાં કાર પાર્ક કરી હતી. જેથી ટ્રાફિક પોલીસે ધારાસભ્યની કાર લોક કરી દીધી. વિધાનસભા ગૃહમાં પ્રવેશવાના માર્ગ પર ધારાસભ્યએ કાર પાર્ક કરી હતી.  કારનો નંબર GJ 18 BK 76 હોવાનું સામે આવ્યું છે. 

આ કાર વલસાડના ધારાસભ્ય પ્રવિણ મારૂની હોવાનું સામે આવ્યું છે. જોકે અહીં સવાલ એ છે કે ધારાસભ્ય જ કાર વચ્ચે પાર્ક કરશે તો સામાન્ય જનતાને શું મેસેજ જશે. જેથી પોલીસે આ કાર્યવાહી કરી હતી.

અત્રે ઉલ્લેખનીય છે કે, રાજકીય નેતાઓ, ધારાસભ્યો અને સાંસદોએ ટ્રાફિક નિયમોનું ઉલ્લંઘન કર્યાની અનેક ઘટનાઓ સામે આવી ચૂકી છે. ત્યારે ગાંધીનગર ટ્રાફિક પોલીસ દ્વારા આ કાર્યવાહી કરવામાં આવતા લોકોએ વખાણી હતી. ત્યારે આ કાર ધારાસભ્ય દ્વારા નો પાર્કિંગ એરિયામાં પાર્ક કરવામાં આવી હતી. જેને લઇને ટ્રાફિક પોલીસને જાણ થતા કાર લોક કરવામાં આવી હતી. આ કાર ગુજરાત વિધાનસભા ગૃહમાં પ્રવેશવાના માર્ગ પર ધારાસભ્યએ કાર પાર્ક કરી દીધી હતી.