રાજ્યમાં મોટાભાગના શહેરોમાં ટ્રાફિક પોલીસ દ્વારા CCTV કેમેરાની મદદથી વાહન ચાલકોને દંડ ફટકારવામાં આવે છે. ત્યારે રાજકોટમાં શહેર ટ્રાફિક પોલીસનો મોટો છબરડો સામે આવ્યો છે. ટાર્ગેટ પૂર્ણ કરવાની ઉતાવળ હોય તેમ ટ્રાફિક વિભાગે એક કાર ચાલકને હેલમેટ ન પહેરવાનો દંડ ફટકાર્યો છે. ટ્રાફિક પોલીસ દ્વારા મોકલાયેલા નોટિસમાં કાર અને ટુવ્હીલર બન્ને દેખાઈ રહ્યું છે. જેમાં ટુવ્હીલર ચાલકે હેલમેટ નથી પહેર્યું..જેના સ્થાને ટ્રાફિક વિભાગે કાર ચાલકને હેલમેટ ન પહેરવા મામલે મેમો ફટકાર્યો છે.