ગુજરાતમાં ટ્રાફિક પોલીસ ડિજીટલ માધ્યમથી દંડની વસૂલાત કરે છે.આ માટે ટ્રાફિક વિભાગે પીઓએસ પણ વસાવ્યા છે.ડિજીટલ માધ્યમથી અત્યાર સુધીમાં પાંચ કરોડની રકમનો વસૂલાયો દંડ
યુવાઓ ઉત્સાહિત -સિનિયર સિટીઝન્સ ઉદાસીન
વડિલોને સાયબર ક્રાઈમનો ભય ?
મોબાઈલ એપથી વસૂલાયો પાંચ કરોડનો દંડ
અમદાવાદ સહિત રાજ્યભરમાં ડિજિટલ પેમેન્ટનું ચલણ વધી ગયું છે તેમ છતાંય હજુ કેટલાક એવા લોકો છે અને તેમાં પણ ખાસ કરીને સિનિયર સિટીઝન ડિજટલ પેમેન્ટનું નામ સાંભળતાં જ દૂર ભાગી રહ્યા છે. પોલીસ ડિપાર્ટમેન્ટ છેલ્લા ઘણા સમયથી ટ્રાફિકના દંડની પોઇન્ટ ઓફ સેલ (પીઓએસ) દ્વારા વસૂલાત કરી રહ્યો છે ત્યારે આજે પણ શહેરના સિનિયર સિટીઝન રોક્ડમાં દંડ ચૂકવવાનું પસંદ કરી રહ્યા છે ડિજટલ પેમેન્ટમાં સિનિયર સિટીઝનની ઉદાસીનતા જોવા મળી રહી છે, જેની પાછળ અનેક કારણો રહેલાં હોઇ શકે છે.ગુજરાતમાં ટ્રાફિક પોલીસ ડિજીટલ માધ્યમથી દંડની વસૂલાત કટે છે.આ માટે ટ્રાફિક વિભાગે પીઓએસ પણ વસાવ્યા છે.ડિજીટલ માધ્યમથી અત્યાર સુધીમાં પાંચ કરોડની રકમનો દંડ વસૂલાયો છે. શાકભાજીની લારી પર પણ તમને ડિજિટલના માધ્યમથી પેમેન્ટ કરવાની સુવિધા મળી જાય છે ત્યારે પોલીસ ડિપાર્ટમેન્ટ પણ ડિજિટલ માધ્યમથી દંડ વસૂલવા માટે સજ્જ બની ગયો છે એટલે હવે રોકડા નથી કે છૂટા પૈસા નથી તેવું બહાનું ચાલશે નહીં, દંડ તો વસૂલ કરાશે જ.
સિનીયર સીટીઝન ડિજિટલ પેમેન્ટથી અલિપ્ત
અમદાવાદ ટ્રાફિક પોલીસ પણ હવે પીઓએસ મશીન દ્વારા દંડ વસૂલ કરી રહી છે, જેને લઈને હવે દંડ ભરવામાં આનાકાની કે બહાનાં ઓછાં થઈ ગયા છે, જોકે સિનિયર સિટીઝન આજે પણ ડિજિટલ માધ્યમથી દંડ ભરવામાં આનાકાની કરી રહ્યા છે તો બીજી તરફ યંગસ્ટર્સ ડિજિટલ માધ્યમથી દંડ ભરવાનું પસંદ કરે છે. દોઢ મહિના પહેલાં પોલીસને પીઓએસ મશીન આપ્યાં છે, જેમાં કુલ ર૮ લાખ કરતાં વધુનો દંડ વસૂલવામાં આવ્યો છે. આમ જોવા જઇએ તો ૪પ ટકા લોકો ડિજિટલ માધ્યમ દ્વારા દંડ ભરે છે.
ટ્રાફિક પોલીસની નવી દંડનીતિ
ટ્રાફિક નિયમનનો અગાઉ ભંગ કરનારાને સીસીટીવી દ્વારા ઈ-મેમો મોકલવાની શરૂઆત કરવામાં આવી હતી, જ્યારે હવે પીઓએસ મશીન દ્વારા સ્થળ પર જ ટ્રાફિક પોલીસ ટ્રાફિક નિયમનના ભંગ બદલ દંડ વસૂલે છે ત્યારે હાલમાં 200 મશીન પોલીસને આપવામાં આવ્યાં છે, જેમાંથી 135 મશીન કાર્યરત છે. પહેલાં લોકો પૈસા નથી જેવાં અવનવાં બહાનાં બનાવીને દંડ ભરતા ન હતા, પરંતુ હવે સ્થળ પર જ પોલીસ દ્વારા દંડ વસૂલવામાં આવે છે ત્યારે હજુ પણ કેટલીક તકલીફો સામે આવી રહી છે તેને દૂર કરવા પીઓએસ મશીનમાં ક્યૂઆર કોડ વિકલ્પનો ઉમેરો કરવામાં આવે તેવી શક્યતા છે, જેથી કરીને દંડ સરળતાથી ભરી શકાય. આ ઉપરાંત પોલીસ સાથેનાં જે ઘર્ષણો થતાં હતાં તે હવે ઓછાં જોવા મળે છે ત્યારે પીઓએસ મશીન દ્વારા અત્યાર સુધી 28 લાખ કરતાં વધુનો દંડ વસૂલ કરવામાં આવ્યો છે.
મોબાઈલ એપથી ચૂકવાયો પાંચ કરોડનો દંડ
છેલ્લા એક વર્ષમાં પાંચ કરોડથી પણ વધુ દંડ લોકોએ મોબાઈલ એપથી ચૂકવ્યો છે ત્યારે યંગસ્ટર્સ ડિજિટલ માધ્યમને આવકારી રહ્યા છે, બીજી તરફ મોટી ઉંમરના લોકો તેને નકારી રહ્યા હોય તેવું દેખાઈ રહ્યું છે. સૂત્રોના જણાવ્યા અનુસાર સિનિયર સિટીઝનમાં ડિજટલ પેમેન્ટ માટે ઉદાસીન રહેવા પાછળનું કારણ સાયબર ક્રાઇમ છે. આજે સાયબર ક્રાઇમના બનાવો વધી રહ્યા છે. બેન્કના નામે ફોન આવે અને સિનિયર સિટીઝનના ખાતામાંથી લાખો રૂપિયા ચાંઉ થઇ ગયા હોવાની જથ્થાબંધ ફરિયાદો સામે આવી છે, જેના કારણે ડિજટલ પેમેન્ટ સુરિક્ષત નથી તેવું ક્યાંક ને ક્યાંક સિનિયર સિટીઝન માની રહ્યા હોવાથી તેઓ રોક્ડમાં વ્યવહાર કરવાનું પસંદ કરી રહ્યા છે.
માથાકૂટ કરી તો કેમેરામાં થશો કેદ
કોરોનાના કારણે લોકો રોકડમાં વ્યવહાર કરતા બંધ થઇ ગયા હતા, જેની અસર ટ્રાફિક પોલીસના સ્થળ દંડ પર પણ પડી હતી, જેથી ટ્રાફિક પોલીસે રોકડની સાથે ક્રેડિટ-ડેબિટકાર્ડ સ્વાઈપ કરીને દંડ વસૂલવાનું શરૂ કર્યું હતું, જેના માટે ટ્રાફિક પોલીસે 200 સ્વાઈપ મશીન ખરીદ્યાં હતાં. પીઓએસ મશીન માટે ટ્રાફિક પોલીસે એસબીઆઈ સાથે એમઓયુ કર્યા છે. આ મશીનમાંથી દંડ વસૂલવા બદલ જે તે વાહનચાલકને રસીદ પણ આપવામાં આવશે એટલું જ નહિ, જો કોઈ વાહનચાલક પોલીસ સાથે માથાકૂટમાં ઊતરશે તો તેનો ફોટો કે વિડીયો પણ આ મશીનથી ઉતારી શકાશે