નવો નિયમ / ઘાટ કરતા ઘડામણ મોંઘું : 15 હજારની સ્કૂટીને 23 હજારનો દંડ થતાં વાહન માલિકની થઈ આવી હાલત

સ્કૂટીની કિંમત 15 હજાર

દિલ્હીની ગીતા કોલોનીના રહેવાસી દિનેશ મદાને આ મામલે જણાવ્યું હતું કે, સોમવારે તેઓ ગુડગાંવ કોઇ કામ સબબ ગયેલ. જિલ્લા અદાલત કોમ્પલેક્ષની સામે આવેલા સર્વિસ રોડ પર તેમણે હેલ્મેટ ઉતારી દીધો હતો. 

Dinesh Madan: Value of my scooty is around 15,000.I even got a copy of RC on WhatsApp from home but by then he had printed.The amount could have been less if he had waited for a while. I want that fine should be relaxed. From now on I will always carry my documents. https://t.co/dJo5BeIcGD

— ANI (@ANI) September 3, 2019

ત્યારે ત્યાં હાજર પોલીસ કર્મીઓ તેમની ગાડીના કાગળ માગ્યા. કાગળ ન હોવાને કારણે પોલીસ કર્મીઓ 23 હજાર રૂપિયાનો દંડ ફટકાર્યો હતો. દિનેશે કહ્યું કે, તેમનું સ્કૂટી ખુબ જ જુનું થઇ ગયું છે અને હાલ તેની કિંમત 15000 રૂપિયાની આસપાસ છે. 

ગાડીને જમા કરી લેવામાં આવી 

દિનેશે જણાવ્યું કે, ટ્રાફિક પોલીસ કર્મીઓએ દંડ ફટકાર્યા બાદ સ્કૂટીને જમા કરી લીધું હતું. હવે તે વાહનને કોર્ટમાં જઇને છોડાવવું પડશે. તેના માટે પહેલા પોલીસ સ્ટેશન જઇને કેસ નોંધાશે અને ત્યારબાદ તેને કોર્ટમાં હાજર કરવામાં આવશે. આ સાથે જ ચલણ ભર્યા સિવાય તેને જામીન આપવામાં આવશે નહી. આ ઘટના બન્યા બાદ તે પોતે પરેશાન છે. જો કે, હાલ તેઓ તે સ્કૂટી છોડાવવા જશે નહીં. 

એક સપ્ટેમ્બરથી બદલાઇ ગયા છે નિયમો

• સામાન્ય દંડ - પહેલાં 100 રૂપિયા હતો હવે 500 રૂપિયા
• હેલ્મેટ ન પહેરવા પર - પહેલાં 100 રૂપિયા હવે 1000 રૂપિયા દંડ અને સાથે 3 મહિના સુધી લાયસન્સ સસ્પેન્ડ
• ડ્રાઈવિંગ લાયસન્સ વિના ડ્રાઈવિંગ - પહેલાં 500 રૂપિયા અને હવે 5000 રૂપિયા દંડ
• ટૂ વ્હીલર પર ઓવરલોડિંગ- પહેલાં 100 રૂપિયા અને હવે 2000 રૂપિયા દંડ/ 3 મહિના સુધી લાયસન્સ સસ્પેન્ડ
• સીટ બેલ્ટ ન લગાવવા પર - પહેલાં 100 રૂપિયા અને હવે 1000 રૂપિયા
• ડ્રાઈવિંગ સમયે ફોન પર વાત કરવા માટે - પહેલાં 1000 રૂપિયા અને હવે 5000 રૂપિયા દંડ
• ઓવર સ્પીડ - પહેલાં 400 રૂપિયા, સામાન્ય કાર પર 1-2 હજાર રૂપિયા અને કર્મશિયલ વ્હીકલ પર 2-4 હજાર રૂપિયા અને બીજી વખતમાં લાયસન્સ જપ્ત
• આડેધડ ડ્રાઈવિંગ - પહેલી વારમાં 6 મહિનાથી 1 વર્ષની જેલ/1-5 હજાર રૂપિયા સુધીનો દંડ, બીજી વારમાં 2 વર્ષની જેલ / 10 હજાર રૂપિયાનો દંડ
• ડ્રિંક એન્ડ ડ્રાઈવ - પહેલી વારમાં 6 મહિનાની જેલ/ 10 હજારનો દંડ અને બીજી વારમાં 2 વર્ષની જેલ /15 હજારનો દંડ
• રેસિંગ અને સ્પીડિંગ - પહેલી વારમાં 1 મહિનાની જેલ/500 રૂપિયાનો દંડ, બીજી વારમાં 1 મહિનાની જેલ/10 હજાર રૂપિયાનો દંડ
• ઈન્શ્યોરન્સ વિના ગાડી ચલાવવી -પહેલી વારમાં 2 હજાર રૂપિયા દંડ/3 મહિનાની જેલ, બીજી વારમાં 4 હજાર રૂપિયાનો દંડ/3 મહિનાની જેલ
• આપાતકાલીન સેવાની ગાડીમાં રસ્તો ન આપવા માટે - હવેથી 10000 રૂપિયાનો દંડ/6 મહિના સુધીની જેલની સજા અથવા બંને
• એક્સીડન્ટથી જોડાયેલી ભૂલો - પહેલીવારમાં 6 મહિનાની જેલ/5000 રૂપિયાનો દંડ, બીજી વારમાં 1 વર્ષની જેલ/10 હજારનો દંડ
• માઈનોરના વ્હીકલ ચલાવવા પર - હવેથી 25 હજારનો દંડ અને સાથે 3 વર્ષની જેલની સજા, વાહનનું રજિસ્ટ્રેશન પણ એક વર્ષ સુધી રદ થઈ શકે છે. 25 વર્ષ પહેલાં ડ્રાઈવિંગ લાયસન્સ આપવામાં આવશે નહીં.