ગજબ કહેવાય / માતાના ખોળામાંથી બાળક રોડ પર પડ્યું, પાછળથી આવી બસ, બાદમાં થયો ચમત્કાર!

• દેવદૂત બનીને પહોંચેલા ટ્રાફિક પોલીસકર્મીએ રસ્તા પર બાળકને બચાવ્યો
• બાળક અચાનક પોતાની માંના ખોળામાંથી નીચે પડી ગયો
• પોલીસકર્મીએ અડધે રસ્તે જઇને બાળકને ઉપાડીને માંને આપ્યો

રીક્ષાચાલકે ફટાફટ રીક્ષા વાળતા બાળક રસ્તા પર પડ્યુ

બાળકની માં ઈલેક્ટ્રીક રીક્ષામાં બેઠી હતી ત્યારે આ ઘટના ઘટી છે. આ વીડિયોને વહીવટી સેવાના અધિકારી અવનીશ શરણે ટ્વિટર પર શેર કર્યો છે. જણાવવામાં આવી રહ્યું છે કે આ વીડિયો ઉત્તરાખંડના કાશીપુરનો છે. અહીં સ્થિત ચીમા ચોકડી પર સીપીયુ કર્મચારી સુંદર લાલ ટ્રાફિક વ્યવવસ્થા સંભાળી રહ્યાં હતા ત્યારે સામે આવી રહેલી કારને ઓવરટેક કરીને ઈ-રીક્ષા  ચાલકે પોતાની રીક્ષા ફટાફટ વાળી દીધી.

ट्रैफ़िक पुलिस के जवान सुंदर लाल.🙏 pic.twitter.com/ulmX48a5ki

— Awanish Sharan (@AwanishSharan) June 12, 2022

પોલીસકર્મીએ બાળકને બચાવીને માતાના હાથમાં સોંપ્યો

આ દરમ્યાન માંના ખોળામાં બેઠેલો નિર્દોષ છટકીને રસ્તા પર પડ્યો.  દરમ્યાન સામેથી એક બસ અને કાર આવી ગઇ. ઘટનાસ્થળે હાજર રહેલા સુંદરલાલે તાત્કાલિક બાળકને રસ્તા પરથી ઉઠાવીને તેની માતાના હાથમાં આપી દીધો. આ આખી ઘટના સીસીટીવી કેમેરામાં કેદ થઇ છે. આ વીડિયોને શેર કરતા અવનીશ શરણે લખ્યું, ટ્રાફિક પોલીસના જવાન સુંદર લાલ અને પછી તેને પોસ્ટ કરી દીધો. જેવો આ વીડિયો પોસ્ટ થયો કે સોશિયલ મીડિયામાં વાયરલ થયો. યુઝર્સે સુંદર લાલના ખૂબ વખાણ કર્યા.