SHORT & SIMPLE / જુનિયર ક્લાર્ક પરીક્ષા: સરકાર જ નહીં ટ્રાફિક પોલીસ પણ વિદ્યાર્થીઓની વ્હારે, રિક્ષાવાળાઓને ભેગા કરીને જે કર્યું તે જાણીને કરશો સલામ

• આવતીકાલે જુનિયર ક્લાર્કની પરીક્ષા
• ટ્રાફિક પોલીસની વાહન ચાલકોને અપીલ
• વધારાનું ભાડું ન લેવાની અપીલ કરાઈ

ગુજરાતભરમાં આવતીકાલે જુનિયર ક્લાર્કની પરીક્ષા યોજાવા જઈ રહી છે. ત્યારે ઉમેદવારોને કોઈ તકલીફ ન પડે તે માટે ગાંધીનગર ટ્રાફિક પોલીસે રિક્ષા ચાલકો અને અન્ય વાહન ચાલકોને અપીલ કરી છે. ટ્રાફિક પોલીસે રિક્ષા સ્ટેન્ડ ખાતે જઈને રિક્ષા ચાલકોને ભેગા કરીને વિદ્યાર્થીઓનું ભવિષ્ય ન બગડે તે માટે કામગીરી કરવાની અપીલ કરી છે. 

રિક્ષા ચાલકો અને અન્ય વાહન ચાલકોને અપીલ 
ગાંધીનગર ટ્રાફિક પોલીસના જવાને રિક્ષા ચાલકોને ઉમેદવારો પાસેથી વધારાનું ભાડું ન લેવાની અપીલ કરી છે. તેમણે જણાવ્યું છે કે, પરીક્ષા આપવા દૂર-દૂરથી આવતા વિદ્યાર્થીઓની મજબૂરીનો ફાયદો ઉઠાવીને તેમની પાસેથી વધારે ભાડુ વસુલવું ન જોઈએ. જો કોઈ આવી રીતે ભીડું વસુલતા હોય તો તમે 100 નંબર પર ફોન કરીને જાણ કરી શકો છો. આ સાથે જ ગાંધીનગર ટ્રાફિક પોલીસના જવાને વિદ્યાર્થીઓને સમયસર પરીક્ષા કેન્દ્ર સુધી પહોંચાડવાની અપીલ કરી છે.