અમદાવાદમાં BRTS અને ટ્રાફિક પોલીસની ટીમ દ્વારા સંયુક્ત રીતે BRTS કોરિડોરમાં વાહન ચલાવતા ચાલકો સામે કાર્યવાહી કરવામાં આવી છે. ટ્રાફિક પોલીસે એક જ દિવસમાં 41 વાહનો ડિટેઈન કર્યા હતા, જ્યારે 14 હજારથી વધુનો દંડ વસૂલ્યો છે.
અમદાવાદ શહેરમાં ટ્રાફિક પોલીસની કાર્યવાહી
BRTS અને ટ્રાફિક પોલીસની સંયુક્ત ટીમ દ્વારા શહેરમાં કાર્યવાહી
BRTS કોરિડોરમાં ચલાવતા 41 વાહનો ડિટેઇન કરાયા
અમદાવાદમાં BRTS કોરિડોરમાં વાહન ચલાવનારા ચાલકો સામે ટ્રાફિક પોલીસ અને BRTSની સંયુક્ત ટીમ દ્વારા લાલઆંખ કરવામાં આવી છે. આજે વહેલી સવારથી જ ટ્રાફિક પોલીસ અને BRTSની ટીમે મેમકો ચાર રસ્તાથી નરોડા તરફ જવાના બીઆરટીએસ કોરિડોર પર કાર્યવાહી હાથ ધરી હતી.
41 વાહનો ડિટેઈન કરી, 14 હજાર વસુલાયો દંડ
ટ્રાફિક પોલીસ દ્વારા ટુ-વ્હીલર, થ્રી વ્હીલર અને ફોર વ્હીલરના ચાલકો સામે કાર્યવાહી કરવામાં આવી હતી. આ દરમિયાન ટ્રાફિક પોલીસ દ્વારા કુલ 41 જેટલા વાહનોને ડિટેઈન કરવામાં આવ્યા હતા. સાથે જ 14 હજાર રૂપિયાનો દંડ વસુલાયો હતો.
ટ્રાફિકની નવી પોલિસી જાહેર કરી શકે છે સરકાર
ગુજરાત સરકાર આગામી દિવસોમાં ટ્રાફિકની નવી પોલિસી જાહેર કરી શકે છે. જેને લઈ હવે વાહનચાલકો માટે હેલ્મેટ પહેરવાનું ફરજિયાત થશે. આ સાથે ટ્રાફિકના નિયમોનું ભંગ કરનારાઓના ઘરે જ મેમો આવશે. મહત્વનું છે કે, આગામી દિવસોમાં હવે બોડિ વોર્ન કેમેરા સાથે સિગ્નલ પર પોલીસ અને ટ્રાફિક પોલીસ તૈનાત રહેશે.
ચાલકો માટે હેલ્મેટ પહેરવું ફરજીયાત થશે
હાલમાં ગૃહ વિભાગ દ્વારા નવા નિયમોની તૈયારી ચાલી રહી છે. જેથી હવે આગામી દિવસોએ રોંગ સાઈડમાં ગાડી ચલાવતા વાહન ચાલકો સામે પણ એક્શન લેવાશે. આ સાથે વાહન ચાલકો માટે હેલ્મેટ પહેરવું ફરજીયાત થશે. ટ્રાફિકના નિયમોનું ભંગ કરનારાઓના ઘરે જ મેમો આવશે.