નિયમ / ટ્રાફિક દંડ ભરવા માટેનું તમારૂ આ જગજાણીતું બહાનું હવે નહીં ચાલે, પોલીસે અપનાવ્યો નવો આઈડિયા

• ટ્રાફિક નિયમને લઇને ટ્રાફિક પોલીસ હવે બની કડક
• દંડ ઉધરાવવા માટે બની રહી છે અદ્યતન
• ટ્રાફિક પોલીસ પીઓએસ મશીન દ્વારા દંડ વસૂલશે

નવા નિયમો મુજબ હવે દંડની રકમ વધી છે ત્યારે લોકો બહાનું કાઢી શકે છે કે સાહેબ, આટલા રોકડા રૂપિયા થોડા ખિસ્સામાં પડ્યા હોય તેવા સમયે પોલીસ તેમની પાસે સ્થળ પર જ પીઓએસ મશીન મારફત કાર્ડ સ્વાઇપ કરીને દંડની વસૂલી કરશે.
 

આ માટે શહેરમાં પ૦૦થી વધારે કાર્ડ સ્વાઇપ મશીન લેવામાં આવશે. મશીન દ્વારા સ્પોટ ફાઇન લોકેશન રાખવામાં આવશે. સૌપ્રથમ શહેરમાં ૧૦ સ્વાઇપ-ઈડીસી  મશીન ખરીદવામાં આવ્યાં છે, જેની સફળતા મળ્યા બાદ રાજ્યના અન્ય વિસ્તારમાં પણ સ્વાઇપ મશીન દ્વારા પેમેન્ટ લેવામાં આવશે.

આ અંગે ટ્રાફિક (એડમિનિસ્ટ્રેશન)ના ડીસીપી તેજસ પટેલે કહ્યું હતું કે, “આગામી સપ્તાહના અંત સુધીમાં ટ્રાફિક પોલીસ પીએસ મશીનનો ઉપયોગ શરૂ કરી દેશે.’ નવી મુંબઈ, કોલકાતા અને કોઇમ્બતૂર પોલીસ આ પ્રકારે પીઓએસથી દંડ વસૂલ કરે છે.