ચીનની આર્થિક રાજધાની શાંઘાઈમાં કોરોનાનો વધતો પ્રકાર સમગ્ર દુનિયા માટે ચિંતાનો વિષય છે. ચીન કોરોનાને લઈને શરૂઆતથી કડક વલણ અપનાવતું આવ્યું છે.
શાંઘાઈમાં લોકડાઉનની ભયંકર અસર
સમુદ્રમાં થયો ટ્રાફિક જામ
શાંઘાઈ પોર્ટ પર જહાજોનો ઠઠારો થયો
ચીનની આર્થિક રાજધાની શાંઘાઈમાં કોરોનાનો વધતો પ્રકાર સમગ્ર દુનિયા માટે ચિંતાનો વિષય છે. ચીન કોરોનાને લઈને શરૂઆતથી કડક વલણ અપનાવતું આવ્યું છે. સમગ્ર દેશના લોકોને સમગ્રપણે વેક્સિનેશન કરવામા આવ્યું છે. તેમ છતાં પણ શાંઘાઈમાં કોરોના કહેર વર્તાવી રહ્યો છે. કોરોનાના કારણે શાંઘાઈમાં છેલ્લા એક મહિનાથી લોકડાઉન છે. રસ્તા પર ટ્રાફિક છે નહીં, ફક્ત પોલીસ અને પ્રશાસન તથા જરૂરી સેવા માટે લાગેલા લોકોની અવરજવર થઈ રહી છે. આ કારણે સમગ્ર શાંઘાઈમાં આર્થિક પ્રવૃતિઓ ઠપ થઈ ગઈ છે. લોકડાઉનની સૌથી ખરાબ અસર શાંઘાઈ પોર્ટ પર જોવા મળી રહી છે. અહીં મોટા સંખ્યામાં માલવાહક જહાજનો ઠઠારો લાગ્યો છે. જેના કારણે ચીનના સમુદ્રમાં અઘોષિત ટ્રાફિક જામ થઈ ગયું છે.
With Shanghai in a near total lockdown, this is a map of the commercial ships currently waiting offshore to be loaded and offloaded of goods; exacerbating global supply chain woes pic.twitter.com/Md6PtpF3VE
સોશિયલ મીડિયા પર શેર કરવામાં આવેલી તસ્વીરમાં શાંઘાઈ પોર્ટ પર જહાજોનો ઠઠારો જોવા મળી રહ્યો છે. આ કારણે સમગ્ર પોર્ટ પર માલવાહક જહાજોની સંખ્યા વધતી જ જાય છે. પોર્ટથી કેટલાય કિમી દૂર ખુલ્લા સમુદ્રમાં જહાજો ઉભા રહ્યા છે. માલ ઉતરવા અને ચડાવવા માટેની પરવાનગી ન હોવાના કારણે જહાજના ક્રૂ પણ ખુલ્લા સમુદ્રમાં ફસાઈ ગયા છે. કેટલાય જહાજો ખાવા પીવા અને દૈનિક જરૂરિયાતો પુરી કરી શકતા નથી. તેમ છતાં પણ ચીન પોતાના કડક નિયમોમાં ઢીલ આપવા તૈયાર નથી. હજૂ એ સ્પષ્ટ નથી કે, આ જહાજો પોર્ટ પર જહાજોને અંદર આવવા અને બહાર જવાની મંજૂરી ક્યારે આપવામાં આવશે.
શહેરમાં ચારેતરફ નાકાબંધી અને લોકોનું બહાર નિકળવાનું બંધ
કોરોનાના કારણે શાંઘાઈ પ્રશાસને બહારના લોકોને શહેર પર પ્રવેશવા પર રોક લગાવી દીધી છે. શહેરના લોકોને બહાર નિકળવાની મંજૂરી નથી. સમગ્ર શહેરમાં મોટા પાયે લોકોનું ટેસ્ટિંગ થઈ રહ્યું છે. એટલુ જ નહીં, ડ્રોન અને હેલીકોપ્ટર દ્વારા કોરન્ટાઈન વિસ્તારની દેખરેખ રાખવામા આવી રહી છે. બહાર નિકળતા લોકોને ડ્રોન અને હેલીકોપ્ટર દ્વારા ચેતવણી આપવામા આવે છે. જો કોઈ વિસ્તારમાં મોટી સંખ્યામાં લોકો એકઠા થયા હોય તો ત્યાં તાત્કાલિક પોલીસ આવી ચડે છે.