અમદાવાદના થલતેજ અન્ડરપાસમાં ટ્રક પલટી જતાં ટ્રાફિકજામના દ્રશ્યો સર્જાયા તો સુરેન્દ્રનગરમાં હાઇવે પર ખાનગી કારને અકસ્માત થતાં એક વ્યક્તિનું મોત થયું છે.
થલતેજ અન્ડરપાસમાં ટ્રક પલટી ગઈ
એસ.જી હાઈવે પર ટ્રાફિકજામના દ્રશ્યો સર્જાયા
લીંબડી-અમદાવાદ હાઈવે પર અકસ્માતમાં એકનું મોત
આજે અમદાવાદના એસ.જી હાઇવે પર એક અકસ્માતની ઘટના સામે આવી છે. જેમાં થલતેજ અંડરપાસમાં ટ્રક પલટી મારી ગયાનું સામે આવ્યું છે. અકસ્માતની ઘટનામાં ક્લીનરને સામાન્ય ઇજાઓ પહોંચી છે. તો સુરેન્દ્રનગરમાં પણ અકસ્માતની એક ઘટના સામે આવી છે. જેમાં ખાનગી કારને નડેલા અકસ્માતમાં એક વ્યક્તિનું કરુણ મોત થયું છે.
થલતેજ અન્ડરપાસમાં ટ્રક પલટી
અમદાવાદના એસ.જી હાઈવે પર થલતેજ અન્ડરપાસમાં એક ટ્રકે પલટી મારી હતી. પ્રાથમિક વિગતો મુજબ ટોરેન્ટ પાવર માટેની પાઇપ લાઈ જતા ટ્રકનું ટાયર ફાટ્યું હતું. જેને લઈ ચાલકે કાબૂ ગુમાવતાં ટ્રક પલટી મારી ગઈ હતી. જેને લઈ એસ.જી હાઈવે પર ટ્રાફિકજામના દ્રશ્યો સર્જાયા હતા. આ ઘટનામાં એક ક્લીનરને સામાન્ય ઇજાઓ પહોંચી છે.
લીંબડી-અમદાવાદ હાઈવે પર અકસ્માતમાં એકનું મોત
આ તરફ સુરેન્દ્રનગરના લીંબડી અમદાવાદ હાઈવે પર અકસ્માતની ઘટના સામે આવી છે. આ ઘટનામાં કટારીયા નજીક ખાનગી કારને અકસ્માત નદીઓ હોવાનું ખૂલ્યું છે. આ અકસ્માતમાં એક વ્યક્તિનું મોત થયુ છે. બે વ્યક્તિ ઈજાગ્રસ્ત થયા છે. સ્થાનિકો દ્વારા ઈજાગ્રસ્તોને હોસ્પિટલ ખસેડવામાં આવ્યા હતા. ઘટનાની જાણ થતાની સાથે પોલીસ ઘટના સ્થળ પર પહોંચી કાર્યવાહી હાથ ઘરી છે.