અમદાવાદના પૂર્વ વિસ્તારમાં પોલીસની ટ્રાફિક ડ્રાઈવ રોડની આસપાસથી દૂર કરાયું દબાણ

અમદાવાદ: શહેરના પૂર્વ વિસ્તારમાં પોલીસે ટ્રાફિક ડ્રાઈવ હાથ ધરી છે. શહેરના ખોખરા બ્રિજથી લઈને CTM સુધી આ ડ્રાઈવ યોજી છે.  જેમાં મોટી સંખ્યામાં પોલીસ કાફલો જોડાયો છે. તો સાથે જ AMCની ટીમ પણ જોડાઈ છે.

આ ડ્રાઇવમાં બુલડોઝરની મદદથી જાહેર માર્ગો પર કરેલા દબાણ હટાવવામાં આવી રહ્યા છે. સાથે જ ચાર રસ્તા પર તેમજ ટ્રાફિકને નડતરરૂપ પાર્કિંગ કરનાર વાહન ચાલકો વિરુદ્ધ પણ કાર્યવાહી હાથ ધરવામાં આવી છે અને દંડ ફટકારવામાં આવી રહ્યો છે. 

ટ્રાફિક ડ્રાઇવમાં આશરે 250થી 300 જેટલા પોલીસ કર્મચારીઓ પણ જોડાયા છે. આ ઉપરાંત 4 SP અને DSP કક્ષાના અધિકારીઓ પણ ટ્રાફિક ડ્રાઇવમાં જોડાયા છે.