વાહન વ્યવહાર કરી રહેલા લોકો માટે મહત્વની સૂચના છે. ખરેખર, જ્યારે પણ લોકો બાઈક અથવા કાર લઇને બહાર નિકળે છે તો તેઓ ટ્રાફિકના કેટલાંક નિયમોનું પાલન કરે છે. પરંતુ કેટલાંક નિયમોની અવગણના જાણે-અજાણે થઇ જાય છે.
પ્રતિબંધિત ઝોનમાં હોર્ન ના વગાડતા
જો હોર્ન વગાડશો તો તમારે ભરવો પડશે દંડ
જો દંડ ના ભરવો હોય તો તમારે આ બાબત ધ્યાનમાં રાખવી પડશે
જો નિયમ ભંગ કરશો તો દંડ ભરવાની નોબત આવશે
માર્ગ પર યાત્રીઓને સુવિધા હોય અને વાહન વ્યવહાર કરનારા લોકોએ કોઈ પણ પ્રકારની મુશ્કેલીનો સામનો ના કરવો પડે. જેથી ટ્રાફિકના નિયમો બનાવવામાં આવ્યાં છે. એવામાં જો તમે ટ્રાફિકના નિયમોનું પાલન કરો છો તો તમે પોલીસ દ્વારા કપાતા ચલણથી બચી શકો છો. જ્યારે નિયમનો ભંગ કરશો તો તમારે દંડ ભરવાની નોબત પણ આવી શકે છે.
ભારે દંડની રકમ
કેન્દ્ર સરકાર દ્વારા તૈયાર કરવામાં આવેલા નવા મોટર વ્હીકલ નિયમો હેઠળ ચલણની રકમ ખૂબ વધારે છે. એવામાં સામાન્ય માણસના ખિસ્સા પર તેની અસર થાય છે. આજે અમે તમને હોર્ન સંબંધિત નિયમો અંગે જાણકારી આપીશું. હોર્ન કે જેનો ઉપયોગ જાણે-અજાણે, અમુક વખત ટ્રાફિકના કારણે અને ટ્રાફિક ના હોય તેવી જગ્યાએ પર લોકો હોર્ન વગાડે છે. કારણકે જો તમે નિયમોથી વાંકેફ નથી તો તમારે મોટો દંડ ચૂકવવો પડી શકે છે.
નો હોર્ન ઝોનમાં હોર્ન વગાડશો નહીં
જો તમે પોતાની કાર અથવા બાઈક દ્વારા કોઈ જગ્યાએ બહાર જાઓ છો અને જો તમે નો હોર્ન ઝોન જેવી જગ્યા પર પણ હોર્ન વગાડો છો, જે પ્રતિબંધિત છે. તો પ્રતિબંધિત ઝોનમાં હોર્ન વગાડવાને કારણે તમારુ ચલણ કપાઈ શકે છે. તમારે ચલણ રૂપે 4000 રૂપિયાની ચૂકવણી કરવી પડી શકે છે. તેથી સુચન છે કે નો હોર્ન ઝોનમાં ભૂલથી પણ હોર્ન વગાડશો નહીં. આવી સ્થિતિમાં હોર્ન વગાડવાને બદલે ડિપરનો ઉપયોગ કરી તમે ચલણથી બચી શકો છો. કારણકે ડિપર એક પ્રકારે સંકેત આપવાનુ કામ કરે છે.