કેટલાક લોકો પોતાના મોટર વ્હીકલની નંબર પ્લેટ - કાર, બાઇક કે સ્કૂટર વગેરે બદલી નાખે છે અથવા તો તેના પર સ્ટાઇલિશ રીતે નંબર લખેલો હોય છે.
વાહનના લગતા નિયમને જાણો અને તેને પાળો
ફેન્સી નંબર પ્લેટના લીધે ચલણ કાપી શકે
લાઇસન્સ સસ્પેન્ડ પણ થઇ શકે છે
જો તમે વાહન ચલાવતા હોય તો ટ્રાફિકને લગતા નિયમો પણ તમને જાણ હોવા જોઈએ અને ટ્રાફિકને સરળ અને સુરક્ષિત બનાવવા માટે સરકારે મોટર વ્હીકલના તમામ નિયમો બનાવ્યા છે, પરંતુ ઘણા લોકો તેનું ઉલ્લંઘન કરે છે, જેના માટે તેમનું ચલણ પણ કાપવામાં આવે છે. કેટલાક લોકો પોતાના મોટર વ્હીકલની નંબર પ્લેટ - કાર, બાઇક કે સ્કૂટર વગેરે બદલી નાખે છે અથવા તો તેના પર સ્ટાઇલિશ રીતે નંબર લખેલો હોય છે, પરંતુ તમને જણાવી દઇએ કે આમ કરવું ભારે પડી શકે છે કારણ કે જો ટ્રાફિક પોલીસ તમારી ફેન્સી નંબર પ્લેટ જુએ છે તો તે તમારું ચલણ કાપી શકે છે.
ફેન્સી નંબર પ્લેટનો ઉપયોગ કરવાથી શું થશે?
જો તમે ફેન્સી નંબર પ્લેટવાળું વાહન ચલાવતા પકડાઇ જાવ છો, તો તમારું ચલણ બની શકે છે. સેન્ટ્રલ મોટર વ્હીકલ રૂલ્સ, 1989ની કલમ 51 અને 177 મુજબ જો તમે ફેન્સી નંબર પ્લેટનો ઉપયોગ કરતા પકડાશો તો તમારે દંડ ભરવો પડશે. હાલ દંડની રકમ 1000 રૂપિયા છે. જો કે દંડની રકમ પણ એક જગ્યાએ અલગ અલગ હોઈ શકે છે. કેટલાક રાજ્યોમાં વારંવાર ચેતવણી આપવા છતાં પણ જો કોઇ પોતાની કાર પર ફેન્સી નંબર પ્લેટનો ઉપયોગ કરતા પકડાઇ જાય તો તેમનું લાઇસન્સ પણ સસ્પેન્ડ કરી શકાય છે.
લાઇસન્સ સસ્પેન્ડ થઇ શકે છે
દાખલા તરીકે 2019માં મુંબઈ ટ્રાફિક પોલીસે આરટીઓને ફેન્સી નંબર પ્લેટનો ઉપયોગ કરતા વારંવાર પકડાતા લોકોના લાઇસન્સ સસ્પેન્ડ કરવાની દરખાસ્ત કરી હતી. જો ચલણ અને લેખિત ચેતવણી આપવા છતાં નિયત ફોર્મેટમાં કારની નંબર પ્લેટ બદલવામાં ન આવે તો ટ્રાફિક પોલીસ આરટીઓને લાઇસન્સ સસ્પેન્ડ કરવા વિનંતી આપી શકે છે.
વિમાનો ક્લેમ સ્વીકારવામાં નહી આવે
આવી સ્થિતિમાં, જો તમારું લાઇસન્સ સસ્પેન્ડ કરવામાં આવ્યું છે, તો પછી તમે કાર વીમાનો દાવો કરી શકશો નહીં. જ્યાં સુધી તમારું લાઇસન્સ સસ્પેન્ડ કરવામાં આવશે, ત્યાં સુધી તમે ક્લેમ કરી શકશો નહીં. એટલા માટે જો તમે અત્યારે ફેન્સી નંબર પ્લેટનો ઉપયોગ કરી રહ્યા છો તો તરત જ તેને બદલીને સ્ટાન્ડર્ડ નંબર પ્લેટ લગાવી દો નહીંતર તમારું ચલણ બની શકે છે, આ સિવાય તમે અન્ય મુશ્કેલીઓમાં પણ મુકાઈ શકો છો.