Winter Special / કોરોના સામે લડવા અને શિયાળામાં હૂંફ મેળવવા ઘરે બનાવો પરંપરાગત આદુનું અથાણું

સામગ્રી

• 250 ગ્રામ આદુ
• 500 ગ્રામ લીંબુ
• અડધી ચમચી હીંગ
• પા ચમચી કાળામરીનો પાવડર
• અડધી ચમચી જીરા પાવડર
• 1 મોટી ચમચી લાલ મરચું પાવડર
• અડધી ચમચી સંચળ
• મીઠું સ્વાદાનુંસાર

બનાવવાની રીત

• સૌ પ્રથમ આદુ લઇને તેને બરાબર છોલી લો અને તેને પાણીથી ધોઇ લો.
• હવે આદુને ઉભા ચીરામાં કટ કરી લો હવે લીંબુને કટ કરી તેના બીજ નીકાળી લો અને સાઇડમાં રાખો.
•  અન્ય એક વાસણમાં લીંબુનો રસ નીકાળી લો.તેમા આદુ, હીંગ, જીરા પાઉડર, કાળામરી પાઉડર, લાલ મરચું, સંચળ અને મીઠું ઉમેરી બરાબર મિક્સ કરી લો.
•  આ  મિક્સ કરેલી સામગ્રીને 10 દિવસ સુધી એરટાઇટ ડબ્બામાં બંધ કરીને તડકામાં મૂકી દો.
• તૈયાર છે આદુનું ખાટું અથાણું. જેને તમે ભોજનની સાતે સર્વ કરી શકો છો.