Gold Price / યુદ્ધના માહોલમાં સોનાની કિંમતમાં સતત વધારો અને વેપારમાં મંદી, જાણો લેટેસ્ટ રેટ

• સોનાના ભાવમાં તેજી 
• 24 કેરેટ સોનું 52800ની નજીક પહોંચ્યું 
• એક મિસ કોલથી જાણો સોનાના ભાવ

રશિયા અને યુક્રેનની વચ્ચે ચાલી રહેલા ધમાસાણ યુદ્ધના કારણે છેલ્લા એક અઠવાડિયામાં સોનાના ભાવમાં પણ તેજી આવી છે. ભારતમાં 24 કેરેટ સોનાની કિંમત 52800 રૂપિયાની નજીક પહોંચી ગઈ છે. મીડિયા રિપોર્ટ્સ અનુસાર પીળી ધાતુની કિંમતમાં તેજીથી વધારો રશિયા અને યુક્રેન યુદ્ધના કારણે થઈ રહ્યો છે. 

ભારતમાં સોનાની કિંમતની વાત કરવામાં આવે તો 22 કેરેટ સોનાની કિંમત પ્રતિ 10 ગ્રામ 48,400 રૂપિયા અને 24 કેરેટ માટે 52,800 રૂપિયા ચાલી રહી છે. સોનાના ભાવ પાછલા બે દિવસથી સ્થિર હતા. 

અલગ-અલગ શહેરોમાં સોનાની કિંમત 
આજે ચેન્નાઈમાં સોનાની કિંમત 49,700 રૂપિયા છે. ત્યાં જ કેરળમાં સોનાની કિંમત 48,400 રૂપિયા છે જે રાષ્ટ્રીય રાજધાનીમાં સોનાની કિંમતના બરાબર છે. મહત્વનું છે કે રશિયા અને યુક્રેનની વચ્ચે 12 દિવસથી યુદ્ધ ચાલી રહ્યું છે અને એવામાં હેગમાં સ્થિત આંતરરાષ્ટ્રીય ન્યાયાલય જલ્દી જ રશિયાના આક્રમણ પર યુક્રેનની અરજી પર સુનાવણી કરશે. 

રશિયા સશસ્ત્ર બળોએ રણનીતિક રૂપથી મહત્વપૂર્ણ મારિયુપોલ શહેરને ઘેરી લીધું છે અને લડાઈ જલ્દી જ રાજધાની કિવમાં પણ શરૂ થઈ શકે છે. 

આ રીતે ચેક કરો સોનાની કિંમત 
જો તમે પણ આજથી સોનાના લેટેસ્ટ રેટ સરળતાથી ઘરે બેઠા જાણવા માંગો છો તો તેના માટે 8955664433 પર મિસ્ડ કોલ આપવાનો રહેશે અને તમારા ફોન પર મેસેજ આવશે. જેમાં તમે સોનાના લેટેસ્ટ રેટ્સ ચેક કરી શકો છો.