આત્મનિર્ભર / VIDEO: હવે મહિલાઓ ખેતરમાં ટ્રેક્ટર હંકારી ખેડકામ કરતી જોવા મળે તો નવાઈ નહી, આ જિલ્લો પહેલમાં પ્રથમ

• આદિવાસી મહિલાઓ બનશે આત્મનિર્ભર 
• ટ્રેકટર ડ્રાઈવિંગ તાલીમથી આત્મનિર્ભર બનાવવા પ્રયાસ 
• 75 મહિલાઓ માટે ‘ટ્રેકટર ડ્રાઇવિંગ’ની તાલીમ

દેશ હવે આત્મનિર્ભર ભારતની દીશામાં આગળ વધી રહ્યો છે.ત્યારે આજે ગુજરાતની કેટલીક આદિવાસી મહિલાઓ વિશે વાત કરવી છે, જે આત્મનિર્ભર ભારતની દીશામાં આગળ વધી રહી છે..પુરુષ પ્રધાન સમાજે આમ તો સ્ત્રીને લઈને અનેક માન્યતાઓ બાંધી લીધી છે.પરંતુ સ્ત્રી શું નથી કરી શક્તી..? ત્યારે આજે આ પ્રશ્નોનો જવાબ આપવાની તૈયારીઓ કેટલીક મહિલાઓએ કરી લીધો છે.જેઓ હવે ખુદના દમ પર ટ્રેક્ટર ચલાવી ખેતી કરશે.

ખુદના દમ પર ટ્રેક્ટર ચલાવે છે
ખેતીની વાત આવે ત્યારે આપણે મોટાભાગે પુરુષોને ખેતી કરતા જોઈએ છીએ.તેમાં પણ ટ્રેક્ટર દ્વારા ખેડ કરતા તો પુરુષો જ જોવા મળે છે. પરંતુ પંજાબમાં પુરુષો કરતા મહિલાઓ ખેતી કરવામાં આગળ છે.ત્યાં મહિલાઓ ટ્રેક્ટર ચલાવતા અને ખેતી કરતા પણ નજરે જોવા મળશે.પરંતુ હવે આ દીશામાં ગુજરાતની મહિલાઓ પણ આગળ વધી રહી છે.અને ખુદના દમ પર ટ્રેક્ટર ચલાવી ખેતી કરવાની દીશામાં આગળ વધી રહી છે

૭૫ આદિવાસી મહિલાઓએ ઉત્સાહભેર ભાગ લીધો 
વાત તાપી જિલ્લાની છે.આ જિલ્લો સંપૂર્ણ પણે ખેતી અને પશુપાલન પર નિર્ભર છે.મોટાભાગે પુરુષો કામઅર્થે બહાર રહેતા હોય છે.તેવામાં ખેતીની જવાબદારી મહિલાઓ પર રહે છે.પરંતુ આજ સુધી જ્યારે ખેડની વાત આવે કે, પાકની રોપણીની વાત આવે ત્યારે મહિલાઓએ પુરુષ પર આધાર રાખવો પડતો હતો.પરંતુ હવે  જિલ્લાની આદિવાસી મહિલાઓ ખુદ ટ્રેક્ટર ચલાવી ખેતી કરવાની દીશામાં આગળ વધવાના પ્રયોશો કરી રહી છે.ત્યારે કૃષિ વિજ્ઞાન કેન્દ્ર, નવસારી કૃષિ યુનિવર્સિટી અને લાખાણી ટ્રેકટર્સને આત્મનિર્ભર ભારત અભિયાન અંતર્ગત મહિલાઓને ટ્રેક્ટર ડ્રાઈવિંગની ટ્રેનિંગ આપવાનું શરૂ કર્યું છે.ખેતી યાંત્રિકીકરણ થકી ‘મહિલા સશક્તિકરણ’ થાય તેવા ઉમદા આશય સાથે આયોજીત તાલીમમાં વિવિધ ગામોની કુલ ૭૫ આદિવાસી મહિલાઓએ ઉત્સાહભેર ભાગ લીધો છે.

તમામ મહિલાઓને લાયસન્સ પણ આપવામાં આવશે
આ તો એક શરૂઆત છે. પરંતુ આગામી સમયમાં દરેક તાલુકા લેવલે એક કૃષિ એગ્રો બિઝનેશ સેન્ટરનું પણ નિર્માણ કરાશે.  અને જેનું સંચાલન સંપૂર્ણ પણે તાલીમાર્થી મહિલાઓ દ્વારા કરાશે. આ ટ્રેનિંગ પૂર્ણ થયા બાદ આરટીઓ દ્વારા તમામ મહિલાઓને લાયસન્સ પણ આપવામાં આવશે. જેથી કરીને તે ખુદના દમ પર આગળ વધી શકે.જોકે મહિલાઓને આત્મનિર્ભર બનાવવા માટેનો આ પ્રયાસ પણ ખુબ ઉમદા છે.

મહત્વની બાબત તો એ છે કે, ટ્રેકટર ડ્રાઈવિંગની તાલીમ દ્વારા બહેનોને આત્મનિર્ભર બનાવવાની આ પહેલ રાજ્યમાં સૌ પ્રથમ વાર તાપી જિલ્લામાં કરવામાં આવી છે. તો આ ટ્રેનિંગમાં જોડાયેલ મહિલાઓ પણ ખુબ સારી રીતે ડ્રાઈવિંગ લઈ રહી છે.અને આગામી સમયમાં ખુદના દમ પર આગળ વધશે.આ તો એક પ્રયાસ છે.પરંતુ આ પ્રયાસ આગામી સમયમાં અન્ય મહિલાઓ માટે પણ આશાનું કિરણ જગાડનારો હશે.અને આવનાર વર્ષોમાં જ્યાં પુરુષ હશે ત્યાં મહિલા પણ તેની સમકક્ષ ઊભી હશે