વક્રતા / ઘોર કળિયુગ:રાજકોટમાં અવાવરુ જગ્યાએ નવજાત બાળકને કોઈ મૂકી ગયું, ટ્રેક્ટર ચાલકે શ્વાનના મોઢામાંથી છોડાવ્યું

• રાજકોટમાંથી નવજાત બાળકને તરછોડવાનો કિસ્સો
• ઝુપડપટ્ટી પાછળ પરિવારે બાળકને ત્યજ્યું
• વવાળી ઇન્ડસ્ટ્રીઝ વિસ્તારમાંથી મળી આવ્યું બાળક

ફરી એક વાર માનવતા શર્મસાર થઈ છે, ફરી એક વખત નવજાત બાળક તરછોડાયું છે.કાલે અમદાવાદની મેઘાણી નગરની ઘટનામાં ભર બપોરના તડકામાં બાળકને મૂકી એક  શખ્સ ફરાર થઈ ગયો હતો તો તે બાદ આજે રાજકોટમાં નવજાત બાળકને વવાળી ઇન્ડસ્ટ્રીઝ વિસ્તારમાં કોઈ મૂકીને ચાલ્યું ગયું હતું. 

નવજાત બાળકને શ્વાનના મોઢામાંથી છોડાવાયું 
કરમની કઠણાઇ કહો કે ઉપરવાળાની દયા : વવાળી ઇન્ડસ્ટ્રીઝ વિસ્તારમાં કોઈ બાળકને તરછોડી ચાલ્યું ગયું હતું. જે બાદમાં નવજાત બાળકને શ્વાન મોઢામાં લઈ ચાલ્યું ગયું હતુ. એક ટ્રેકટર ચાલકની નજર પડતા બાળકને છોડવામાં આવ્યું હતું. કરમની કઠણાઈ એ છે કે આ માસૂમ બાળકે નિર્દય માતા-પિતાના ઘરે જન્મ લીધો છે. અને ઉપરવાળાની દયા એ છે કે તરછોડાયા બાદ શ્વાન બાળકને છુંદી નાખત પણ સમયસર ભગવાન બનીને આવેલા એક ટ્રેકટર ચાલકે બાળકને શ્વાસના મોઢામાંથી છોડાવ્યું હતું.જે બાદ પોલીસને જાણ કરવામાં આવતા પોલીસે છેલ્લા 10 દિવસમાં જન્મેલા બાળકોની હોસ્પિટલમાંથી માહિતી મેળવી તપાસ શરૂ કરી છે.

ગઈકાલે અમદાવાદના મેઘાણીનગરમાં તરછોડાયું હતું બાળક
અમદાવાદમાં ફરી ગાંધીનગર જેવી બાળક ત્યજવાની ઘટના સામે આવી છે. અમરાઇવાડીના મહાલક્ષ્મીનગર તાજુ જન્મેલુ નવજાત બાળક મુકીને શખ્સ ફરાર થઈ ગયો હતો. એ પણ બપોરના તડકામાં. હજુ તો ગાંધીનગર શિવાંશને ત્યજવાનો કેસ માંડ શાંત પડયો છે. ત્યારે અમદાવાદની આ ઘટના અનેક સવાલ ઊભા કરે છે. બાળકનું અપહરણ કરી અહી લવાયું છે કે  બાળકને તરછોડનાર ખુદ તેના પિતા છે તે અંગે પોલીસ હાલ તપાસ કરી રહી છે. પણ સવાલ એક જ છે માસૂમનો શું વાંક?

ગેર સંબંધો બાંધી પાપને છુપાવવા બાળકને તરછોડ્યુ કે પછી...
અમદાવાદના મહાલક્ષ્મીનગરનો આ બનાવ હ્રદયને હચમચાવી મૂકે છે. એક શખ્સ તાજા જન્મેલા બાળકને બપોરના તડકામાં નિદર્યતાથી મૂકીને ચાલ્યો જાય. નક્કીએ આરોપી પાસે દિલ નથી, હજુ તો નવજાતની આંખ પણ ઊઘડી નથીને માતા-પિતાનો છાયો છીનવી લીધો છે. બાળકને ત્યજનાર શખ્સ કોણ છે તેની હજુ પણ ભાળ નથી મળી પણ જો તે આ બાળકનો પિતા હોય તો અનેક સવાલ ઊભા કરે છે કે તમારી મજા આ નવજાતને જિંદગી ભરની સજા આપી રહ્યું છે. કોઈ ગેર સંબંધો બાંધી પાપને છુપાવવા બાળકને તરછોડી દે છે તો કોઈ બાળકીને સાપનો ભારો સમજી, પણ કેમ? આ તાજા જન્મેલા માસૂમનો વાંક એટલો જ કે તેને આવા નિર્દય પિતાના ઘરે જન્મ લીધો? કેસ પર હાલ દરેક પાસા પર તપાસ ચાલી રહી છે. બાળકનું અપહરણ કરી અહી કોઈ તરછોડી ગયું છે કે અન્ય કોઈ કારણસર બાળકને અહી  મૂકી દેવાયું છે. હાલ અમરાઇવાડી પોલીસે ગુનો નોંધી સીસીટીવી ખાળવાના પ્રયાસ કરી રહી છે.