ગજબ કે'વાય / મોંઘી છે પણ મજબૂત છે! Mercedes Benz સાથે ટકરાયું ટ્રેક્ટર, રીતસર બે ટુકડા થઈ ગયા, જોઈ લો VIDEO

• ટ્રેક્ટર સાથે અથડાઈ મર્સિડીઝ કાર 
• ટ્રેક્ટરના થઈ ગયા બે ભાગ 
• વીડિયો જોઈને ઉડી જશે હોંશ 

આંધ્રપ્રદેશમાં તિરુપતિ પાસે ચંદ્રગિરી બાયપાસ રોડ પર એક માર્ગ અકસ્માત થયો હતો. આ અકસ્માત સોમવારે થયો હતો જેમાં મર્સિડીઝ કાર અને ટ્રેક્ટર વચ્ચે ટક્કર થઈ હતી. રોડ પર દોડતી મર્સિડીઝ કારની સામે અચાનક રોંગ સાઈડમાં ચાલતું ટ્રેક્ટર આવી જતાં બંને વચ્ચે ટક્કર થઈ હતી.

A #tractor broke into two pieces after #collision with a $Mercedes

The #accident happened near #Tirupati ‌‌

🤣🤣🤣🤡 pic.twitter.com/VHYzQWMm0g

— विनीत ठाकुर (@yep_vineet) September 27, 2022

ઘટના બાદ ચોંકી ગયા લોકો 
સામેથી આવતી બે ગાડીઓ વચ્ચે ટક્કર થઈ હતી. જે બાદ આસપાસના લોકો ચોંકી ગયા હતા. કારણ કે અકસ્માત બાદ ટ્રેક્ટરના બે ટૂકડા થઈ ગયા હતા પરંતુ મર્સિડીઝ કારને વધુ નુકસાન થયું ન હતું. કારની સામેની સાઇડ સાથે અથડાવાને કારણે કારને આગળની ડાબી બાજુથી નુકસાન થયું હતું. અકસ્માત બાદ ટ્રેક્ટર સાથે બાંધેલી ટ્રોલી પણ રોડ પર પલટી ખાઈ ગઈ હતી. 

કારમાં સવાર લોકો સુરક્ષિત 
મર્સિડીઝ કારમાં સવાર લોકો સંપૂર્ણપણે સુરક્ષિત છે. કારમાં સવાર તમામ લોકોને નાની-મોટી ઈજા થઈ હતી પરંતુ તમામ સુરક્ષિત હતા. ટ્રેક્ટર ચાલકને પણ થોડી ઈજા થઈ હતી.