ઘણાં લોકો વિવિધ સંસ્થાઓમાં કામ કરતી વખતે અલગ-અલગ પીએફ એકાઉન્ટનો ઉપયોગ કરે છે, જેના કારણે ઘણી વખત તેમનું જૂનું પીએફ એકાઉન્ટ નિષ્ક્રિય થઈ જાય છે. કેટલાક લોકો એવા પણ છે જે નોકરીની વચ્ચે વિદેશ જાય છે અને ત્યાં સ્થાયી થઈ જાય છે. આવા સંજોગોમાં પણ જૂનું પીએફ એકાઉન્ટ નિષ્ક્રિય થઈ જાય છે.
નોકરિયાત લોકો માટે કામના સમાચાર
જૂના પીએફ એકાઉન્ટના પૈસા આ રીતે કરો ટ્રાન્સફર
આ રીતે ટ્રેસ કરો એકાઉન્ટ
ઈન-ઓપરેટિવ એકાઉન્ટને ટ્રેક કરવું થોડું મુશ્કેલ છે, પરંતુ અશક્ય નથી. આ કામ ઘરેથી ઓનલાઇન થઈ શકે છે. એકવાર એકાઉન્ટ ટ્રેસ કર્યા બાદ તેમાં જમા રકમ ટ્રાન્સફર કરી શકાય છે અથવા તો કાઢી શકાય છે.
ઈન-ઓપરેટિવ એકાઉન્ટ એટલે શું?
જો કોઈ એકાઉન્ટ માં ત્રણ વર્ષ (36 મહિના) સુધી કોઈ રકમ જમા થતી નથી, તેને ઈન ઓપરેટિવ માનવામાં આવે છે. 1 એપ્રિલ 2011થી સરકારે આવા ખાતાઓમાં જમા રકમ પર વ્યાજ આપવાનું બંધ કર્યું છે. એક ડેટા મુજબ, માર્ચ 2014 સુધી, ઇપીએફઓના ઈન-ઓપરેટિવ એકાઉન્ટમાં 27000 કરોડ રૂપિયા ખાતામાં જમા હતા. નિયમ મુજબ, જો આ ઈન ઓપરેટિવ એકાઉન્ટ પર 7 વર્ષ સુધી દાવો ન કરવામાં આવે તો સરકાર તેને સીનિયર સિટીઝનના વેલફેર ફંડમાં એડ કરી દેશે.
આ રીતે ટ્રેસ કરો એકાઉન્ટ
સૌથી પહેલાં પીએફ વેબસાઇટ www.epfindia.gov.in પર જાઓ. અહીં ઈન ઓપરેટિવ એકાઉન્ટ હેલ્પડેસ્ક વિકલ્પ પસંદ કરવો પડશે. ફરિયાદ બોક્સમાં તમારી સમસ્યા વિશે સંપૂર્ણ માહિતી આપવી પડશે. પછી તમારી પાસે વ્યક્તિગત માહિતી, જેમ કે નામ, મોબાઇલ નંબર, ઇમેઇલ આઈડી, જન્મદિવસ, પતિ અથવા પિતાનું નામ, એમ્પ્લોયરનું નામ પૂછવામાં આવશે. આ તમામ માહિતીની મદદથી તમારું એકાઉન્ટ સરળતાથી ટ્રેસ કરી શકાશે. એકવાર એકાઉન્ટ ટ્રેસ થયા પછી ફંડ્સ કાઢી અથવા ટ્રાન્સફર કરી શકાય છે.