સુરક્ષા કવચ / સલમાન ખાનની સુરક્ષા માટે બુલેટપ્રૂફ કારમાં શું છે ખાસ? જાણો કેવી છે 'ભાઈજાન'ની નવી ગાડી

• સલમાન ખાને મળી હતી જાનથી મારી નાખવાની ધમકી 
• ધમકી બાદ ભાઈ જાને ખરીદી બુલેટ પ્રૂફ કાર 
• જાણો કારમાં શું છે ખાસ 

બોલિવૂડ એક્ટર સલમાન ખાનની ફેન ફોલોઈંગનો અંદાજ લગાવવો પણ મુશ્કેલ છે. ફેન ફોલોઈંગના કારણે તેની ફિલ્મો કરોડો રૂપિયાની કમાણી કરે છે. તેના ચાહકોની સંખ્યા માત્ર દેશમાં જ નહીં પરંતુ દેશની બહાર પણ છે. 

પરંતુ તાજેતરમાં કેટલાક અહેવાલો સામે આવ્યા છે. જેમાં કહેવામાં આવ્યું છે કે સલમાન ખાનને જાનથી મારી નાખવાની ધમકીઓ મળી છે. આવા અહેવાલોના થોડા દિવસો બાદ હવે સલમાન ખાને નવી બુલેટ પ્રુફ કાર ખરીદી છે.

 

 

 

 

View this post on Instagram

 

 

 

 

 

 

 

 

 

 

 

A post shared by Viral Bhayani (@viralbhayani)

1.5 કરોડની છે આ કાર 
રિપોર્ટ અનુસાર તેણે જે કાર ખરીદી છે તે ટોયોટા લેન્ડ ક્રુઝર છે. તેની કિંમત લગભગ 1.5 કરોડ રૂપિયા જણાવવામાં આવી રહી છે. એવું પણ કહેવામાં આવી રહ્યું છે કે આ બુલેટપ્રૂફ SUV છે. જો કે, રસપ્રદ વાત એ છે કે,મર્સિડીઝ-બેન્ઝ, BMW અને Audi જેવી અન્ય જર્મન કાર ઉત્પાદકો કંપનીઓની જેમ ટોયોટા સત્તાવાર રીતે બુલેટપ્રૂફ વાહનનું વેચાણ કરતું નથી. ટોયોટા લેન્ડ ક્રુઝર જેવી કારમાં આફ્ટરમાર્કેટ આર્મરિંગ કરવામાં આવે છે.

વિશ્વભરમાં ઘણા પ્રતિષ્ઠિત આર્મરિંગ ગેરેજ છે. મહિન્દ્રા આર્મર્ડ વ્હીકલ્સ પણ ગ્રાહકની જરૂરિયાતને આધારે આફ્ટરમાર્કેટ આર્મરિંગ સેવા પ્રદાન કરે છે. આવી આફ્ટરમાર્કેટ સેવામાં આર્મરિંગના ઘણા લેવલ ઉપલબ્ધ છે. OEM આર્મર્ડ વાહન VR8 અને VR9 જેવા ફેક્ટરી-રેટેડ સુરક્ષા સ્તરો સાથે આવે છે. જો કે વાહન બુલેટપ્રૂફ છે કે નહીં તે જોવા વાળાને ખબર નથી પડતી. પરંતુ જો તમે વાહનની બારીઓ નજીકથી જોશો તો જાડી બોર્ડર્સથી જાણકારી મળશે કે તે સીલ અને બુલેટપ્રૂફ છે.

મુંબઈ એરપોર્ટ પર બુલેટપ્રૂફ કારમાં આવ્યો હતો સલમાન 
સલમાન અને તેની સુરક્ષા ટીમ સોમવારે સાંજે મુંબઈ એરપોર્ટ પર બુલેટપ્રૂફ લેન્ડ ક્રુઝર સાથે જોવા મળી હતી. તેના વીડિયો ઘણા પાપારાઝી એકાઉન્ટ્સ દ્વારા શેર કરવામાં આવ્યા છે. વીડિયોમાં સલમાન ખાન નવી લેન્ડ ક્રુઝરમાંથી બહાર નીકળતો જોવા મળે છે. તેમની સાથે કેટલાક સુરક્ષાકર્મીઓ પણ હતા. તમને જણાવી દઈએ કે આ પહેલા સલમાન ખાને ગયા મહિને બંદૂકનું લાઇસન્સ લીધું હતું.