ગજબ / બોલો લ્યો, સુરતનાં આ રેસ્ટોરન્ટમાં વેઈટર નહી પણ ટોય ટ્રેન પીરસે છે ભોજન, અનોખી વ્યવસ્થાથી ગ્રાહકોને મોજેમોજ

• રેસ્ટોરન્ટમાં વેઈટરને બદલે ટોય ટ્રેનનો થાય છે ઉપયોગ 
• સૂરતમાં આવેલું છે આ રેસ્ટોરન્ટ 
• ગ્રાહકો છે સર્વિસથી સંતુષ્ટ 

રેસ્ટોરન્ટમાં વેઈટરને બદલે ટોય ટ્રેનનો થાય છે ઉપયોગ 

COVID બાદથી રેસ્ટોરન્ટો અને ભોજનાલયો ગ્રાહકોને નવી નવી સુવિધાઓથી પોતાની તરફ ખેંચવાની કોશિશ કરી રહ્યા છે. હાલમાં જ સૂરતમાં એક રેસ્ટોરન્ટમાં પણ કંઈક આવું જ બન્યું. આ રેસ્ટોરન્ટમાં વેઈટરો દ્વારા નહી પણ ટોય ટ્રેનો દ્વારા ભોજન સર્વ કરવાની અનોખી રીત અપનાવવામાં આવી છે. આ રેસ્ટોરન્ટની થીમે લોકોને ભોજનનો આનંદ લેવા માટે આકર્ષિત કર્યા છે, જે વગર કોઈ વેઈટરની મદદથી સીધુ ગ્રાહકોને આપવામાં આવે છે. 

રેસ્ટોરન્ટનાં વીડિયોમાં એક ટોય ટ્રેન કિચનથી બેસવાની જગ્યા પાસે આવતી જોઈ શકાય છે. ટ્રેનનાં અલગ અલગ ડબ્બામાં બ્રેડ, ગ્રેવી અને પાપડ જેવા અન્ય ખાદ્યપદાર્થો જોવા મળી રહ્યા છે. દિલચસ્પ વાત એ છે કે દરેક ટેબલને સૂરત શહેરનાં ક્ષેત્રો અનુસાર, નામ પણ આપવામાં આવ્યા છે. 

Gujarat: Surat restaurant serves food on toy trains, diners relive childhood memories

Read @ANI Story | https://t.co/HjmUxpPumn#Surat #Gujarat #toytrain pic.twitter.com/t28M8N7ImT

— ANI Digital (@ani_digital) April 12, 2022

સૂરતમાં આવેલું છે આ રેસ્ટોરન્ટ 

બહુ વ્યંજન રેસ્ટોરન્ટ, ટ્રેનિયન એક્સપ્રેસ, વેસુ, સુરત ખાતે આવેલી છે. રેસ્ટોરન્ટના અનોખા અને નવીન કોન્સેપ્ટની ગ્રાહકો દ્વારા પ્રશંસા કરવામાં આવી છે.

એક ગ્રાહકે કહ્યું કે તમે જે જગ્યાએ ઓર્ડર કર્યો છે તે જગ્યાએ તમને ઓર્ડર ટ્રેન દ્વારા પહોંચાડવામાં આવે છે. ઓછામાં ઓછું એક વાર અજમાવી જુઓ. બીજાએ લખ્યું, "અદ્ભુત સ્થળ...શાનદાર વાતાવરણ..સ્વાદિષ્ટ ભોજન..અદ્વિતીય." ત્રીજા ગ્રાહકે લખ્યું, “સરસ થીમ આધારિત રેસ્ટોરન્ટ, બાળકો માટે ભોજન સાથે આવનારી ટ્રેનનો આનંદ માણવા માટેનું ઉત્તમ સ્થળ. સ્વાદ સરસ છે. કિંમત અન્ય રેસ્ટોરન્ટ જેવી જ છે.

ગ્રાહકો છે સર્વિસથી સંતુષ્ટ 

કેટલાક ગ્રાહકોએ એમ પણ કહ્યું કે કોવિડ પછીના યુગમાં ખાવાની આ રીત અર્થપૂર્ણ હતી. દરમિયાન, ઉલ્લેખનીય છે કે આ ટોય ટ્રેનનો કોન્સેપ્ટ માત્ર સુરતમાં જ નથી. ઉલટાનું, આવી ટોય ટ્રેન ભોજનાલયો હૈદરાબાદ અને ઈન્દોર સહિત ઘણા ભારતીય શહેરોમાં પણ જોવા મળે છે.