રંગીલો પ્રોજેક્ટ / બાળકોનું 'મનોરંજન' મળશે ભાડે: રાજકોટમાં રમકડાની લાઈબ્રેરી, માત્ર માસિક 20 રૂપિયાના ભાડામાં મળશે રમકડું

• બાળકોનું 'મનોરંજન' મળશે ભાડે
• રાજકોટમાં રમકડાની લાઈબ્રેરી
• LKGથી 14 વર્ષના બાળકોના મળશે રમકડા

હાલ શાળાઓમાં વેકેશન ચાલી રહ્યું છે.. અને બાળકો માટે જો કોઈ વસ્તુ પ્રિય હોય તો તે છે રમકડા.. વેકેશનમાં બાળકો એકની એક રમતથી કંટાળી જતા હોય છે. સાથે જ નાના ભૂલકાઓ તો નવા રમકડા લેવા માટે પણ જીદ કરતા હોય છે.. જોકે માકેાટમાં રકમડા પણ એટલા મોંઘા છે કે દરેક માતા-પિતાને પોસાય તેમ નથી.. તેવામાં હવે રાજકોટમાં એક રમકડાની લાઈબ્રેરી શરૂ થઈ છે.. આ લાઈબ્રેરીએ માતા-પિતાની તમામ મુશ્કેલીઓનો અંત લાવી દીધો છે.. રાજકોટ શહેરના સાધુવાસવાણી રોડ, કેનાલ રોડ અને શ્રોફ રોડ પર મહાનગરપાલિકા સંચાલિત ટોયઝ લાઈબ્રેરી આવેલી છે. જેમાં બાળકો માટે ભાડેથી રમકડા આપવામાં આવી રહ્યા છે.. આમ તો આ લાયબ્રેરી 1989થી ચાલી રહી છે. જોકે રમકડાનો પ્રયોગ નવો છે. અહીં બાળકોને ગમતા રમકડા આપવામાં આવે છે એ પણ ભાડેથી..   

માસિક 20 રૂપિયા રમકડાનું ભાડુ
લાઈબ્રેરીમાં અનેક પ્રકારના રમકડા રાખવામાં આવ્યા છે જે બાળકોને આકર્ષે છે. અહીં એક મહિનાની મેમ્બરશીપના 20 રૂપિયા રાખવામાં આવ્યા છે. અને એક સપ્તાહ માટે રમકડું ભાડે આપવામાં આવે છે. જે સામાન્ય વ્યક્તિને પણ પોસાય તેમ છે. સાથે જ કેટલીક શરતો પણ રાખવામાં આવી છે. જો રમકડું ડેમેજ થાય તો તેની કિંમત પ્રમાણે મેમ્બર પાસેથી રૂપિયા લેવામાં આવે છે. હાલ તો રાજકોટમાં ટોયઝ લાઈબ્રેરીને સારો રિસ્પોન્સ મળી રહ્યો છે. અને સતત અહીં મેમ્બરોનો ધસારો વધી રહ્યો છે.   

દર સપ્તાહ બદલી શકાશે રમકડા
અહીં તમામ પ્રકારના રમકડા છે, જેમાં પઝલ્સ, અલગ અલગ ગેમ્સ, ઈલેક્ટ્રોનિક રમકડા, પ્લાસ્ટિકના રમકડા, અદ્યતન રમકડા પણ ઉપલબ્ધ છે. જેથી બાળકોને પણ પસંદગીમાં બહોળો અવકાશ મળે છે. આ ઉપરાંત બાળકો માટે વિવિધ પુસ્તકો, અંગ્રેજી, ગુજરાતી અને હિન્દી ભાષામાં ઉપલબ્ધ છે. જેથી બાળકો રમવાની સાથે થોડો સામાન્ય નોલેજ અને અભ્યાસ પર પણ ધ્યાન આપી શકે.. રાજકોટમાં શરૂ કરવામાં આવેલું આ નવો પ્રયોગ શહેરીજનોને ઘણો પસંદ આવી રહ્યો છે.