શું નેનો કારનું ઉત્પાદન થશે બંધ? જૂનમાં બની ફક્ત એક કાર....

ટાટા મોટર્સની નાની કાર નનોનો ધીરે ધીરે સુર્યાસ્ત થઈ રહ્યો છે. જૂનમાં ફક્ત એક નેનો કારનું ઉત્પાદન થયું. કંપનીનું કહેવું છે કે તેનું ઉત્પાદન રોકવા માટે કોઈ નિર્ણય લેવાયો નથી. ગયા મહિને ઘરેલુ બજારમાં ફક્ત ત્રણ નેનો કાર વેચાઈ.

કંપનીએ શેર બજારોને આપેલી એક નિયામકીય સૂચનામાં કહ્યુ કે આ વર્ષે જૂનમાં એક પણ નેનો કારનું નિકાસ નથી થયું. એક વર્ષ પહેલા સમાન અવધિમાં કંપનીએ 25 નેનો કારનું નિકાસ કર્યુ હતુ. ઉત્પાદન મામલે ગયા મહિને ફક્ત એક નેનો કારનું ઉત્પાદન થયું જ્યારે જૂન 2017માં 275 એકમોનું ઉત્યાદન થયુ હતુ.

ઘરેલું બજારમાં જૂનમાં લગભગ ત્રણ નેનો કાર વેચાઈ જ્યારે જૂન 2017માં દેશમાં 167 નેનો કાર વેચાઈ હતી. ટાટ મોટર્સના એક પ્રવક્તાએ પૂછવા પર જણાવ્યુ હતુ કે નેનોનું ઉત્પાદન બંધ કરવાને લઈ કોઈ નિર્ણય હજુ લેવાયો નથી.