ઇલેક્ટ્રિક મોબિલિટી સ્ટાર્ટઅપ ટૂશે (Toutche) ભારતીય બજારમાં નવી ઇલેક્ટ્રિક સાયકલ લોન્ચ કરી છે.
ઈ-સાયકલમાં છે ૩ મોડસની ઇનબ્યુલ્ટ સિસ્ટમ
ઈ-સાયકલની હાઇ સ્પીડ પ્રતિ કલાક 25 કિલોમીટર
2,334ના EMI પર પણ મેળવી શકો ઈ-સાયકલ
ટૂશેએ ભારતમાં તેની નવી જનરેશનની હિલીયો H100 ઇલેક્ટ્રિક સાયકલ લોન્ચ કરી છે. જેની કિંમત 48900 રૂપિયાથી શરૂ થાય છે. કંપનીના જણાવ્યા અનુસાર એકવાર ઇલેક્ટ્રિક સાયકલની બેટરી ફૂલ ચાર્જ થઈ ગયા પછી તે 60થી 80 કિલોમીટર સુધી ચાલી શકે છે. જો આ ઇલેક્ટ્રિક સાયકલની બેટરી લો થઇ જાય તો તમે પેડલિંગ દ્વારા પણ તેને ચલાવી શકો છો.
ઈ-સાયકલમાં છે ૩ મોડસની ઇનબ્યુલ્ટ સિસ્ટમ
કંપનીના જણાવ્યા મુજબ આ ઇલેક્ટ્રિક સાયકલમાં લો-આયન બેટરી અને 250 વોટની રીયર હબ મોટર છે. ઇલેક્ટ્રિક મોડ સિવાય, આ સાયકલને સામાન્ય પેડલ સાયકલ અથવા પેડલ-અસિસ્ટ મોડ પર ચલાવવાનો ઓપ્શન પણ છે.
ઈ-સાયકલની હાઇ સ્પીડ પ્રતિ કલાક 25 કિલોમીટર
હીલિયો H100 ઇલેક્ટ્રિક સાયકલ સ્પ્રિંગ ગ્રીન અને વ્હાઈટમાં ઉપલબ્ધ છે. તેની ફ્રેમ સાઈઝ 19 ઇંચ છે. તમે આ સ્યાકાલને 2,334ના EMI પર પણ મેળવી શકો છો. આ સાયકલની હાઇ સ્પીડ પ્રતિ કલાક 25 કિલોમીટર છે.
અન્ય ઇ-બાઇક મોડલનું બુકિંગ થઈ ગયું છે શરૂ
ટૂશે લેક્ટ્રિકના CEO અને સ્થાપક, રઘુ કેરાકટ્ટીએ જણાવ્યું હતું કે તાજેતરમાં જ ઇ-બાઇકની માંગમાં વધારો થયો છે. આ માંગને ધ્યાનમાં રાખીને, કંપની ઇલેક્ટ્રિક વાહનો પર ફોકસ કરી રહી છે. કંપનીએ જણાવ્યું કે, અન્ય મોડલ હીલિયો M100, M200 અને H200ના સાથે લેટેસ્ટ ઈ-બાઈકની બુકિંગ શરૂ કરી દીધી છે. તમે કંપનીની ઓફીશીયલ વેબસાઈટની મુલાકાત લઈને આ ઇલેક્ટ્રિક સાયકલને બુક કરી શકો છો.