હાશ બચ્યા / VIDEO: મજા બગડી! ડાંગના ભેગું ધોધમાં પાણીનો પ્રવાહ વધતા સહેલાણીઓ અટવાયા

ડાંગ જિલ્લાના કોષમાળ ગામે ભેગું ધોધમાં પાણીનો પ્રવાહ વધતા પ્રવાસીઓ અટવાયા હતા. ધોધના પાણીનો આનંદ માણવા ગયેલા પ્રવાસીઓ ભયમાં મુકાયા હતા.. પ્રવાસીઓ એકબીજાનો હાથ પકડી બહાર નીકળતા હોય તેવો વીડિયો વાયરલ થયો છે. મહત્વનું છે કે જિલ્લા વહીવટી તંત્ર દ્વારા ધોધ નજીક જવા પર પ્રતિબંધ છે.

વોટરફોલની મુલાકાત લો તો આટલું અવશ્ય ધ્યાન રાખજો

-ધોધ સ્થળ પર ચેતવણીનું જે બોર્ડ માર્યું હોય તેને અવગણવી ન જોઇએ, ચોક્કસ જગ્યાએથી આગળ ન જવા માટે કે ચોક્કસ પ્રવૃતિ ન કરવા માટે ચેતવણી મારેલી હોય ત્યારે તેને અનુસરવી જોઇએ, તેને ન અનુસરવાનું પરિણામ જિંદગી ગુમાવીને ચૂકવવું પડી શકે છે.

-ધોધ સ્થળ પર સ્વભાવિક રીતે જ પથ્થરો પર પાણી હોવાથી લપસવાની શક્યતા વધારે રહે છે આવા સંજોગોમાં અહીં સેલ્ફી લેવાનું ટાળવું જોઇએ

-ધોધ સ્થળ પર મોબાઇલમાં વ્યસ્ત રહેવાનું પણ ભારે પડી શકે છે, મોબાઇલમાં તલ્લીન થઇ જવાથી ક્યારેક પરિસ્થિતિનો ખ્યાલ નથી આવતો અને દુર્ઘટના ઘટી શકે છે

-ધોધ સ્થળ પર પાણીનો પ્રવાહ જયાં એકદમ વધારે હોય તે જગ્યાએથી દુર રહેવું જોઇએ

આ પણ વાંચોઃ Gujarat માં સ્થળ ત્યાં જળ જેવી સ્થિતિ, જ્યાં જુઓ ત્યા ખાડા અને ખાડામાં પાણી

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ