પર્યટકો / માઉન્ટ આબુ ગુજરાતીઓથી હાઉસફૂલ: 24 જ કલાકમાં એટલા વાહન આવ્યા કે પાર્કિંગ ખૂટ્યા, ટોલનાકા પર લાંબી લાઇન 

• માઉન્ટ આબુમાં પર્યટકોની ભીડ 
• 24 કલાકમાં 4 હજાર વાહનો પહોંચ્યા
• આબુમાં સૌથી વધુ ગુજરાતી પર્યટકો

દિવાળી બાદ તહેવારોમાં પર્યટન સ્થળે પર લોકોની ભીડ જામતી હોય છે. હિલ સ્ટેશન એવા માઉન્ટ આબૂમાં મોટી સંખ્યામાં પર્યટકો ઉમટી પડ્યા છે. છેલ્લા 24 કલાકમાં 4 હજારથી વધુ વાહનો માઉન્ટ આબુ આવતા હોટલ રેસ્ટોરન્ટ ફુલ થઈ ગયા છે, તો પ્રવાસીઓના ધસારાને પગલે ટોલનાકા ઉપર પણ લાંબી કતારો જોવા મળી રહી છે. 

24 કલાકમાં 4 હજાર વાહનો પહોંચ્યા

મહત્વનું છે કે માઉન્ટ આબુ એ પ્રવાસન સ્થળ માટે ગુજરાતીઓની જાણીતું છે. દિવાળીના પાંચ દિવસા રજાના માહોલમાં મોટી સંખ્યામાં પ્રવાસીઓ આવતા માઉન્ટ આબૂની તમામ હોટલો હાઉસફુલ થઈ ગઈ છે. છેલ્લા બે વર્ષથી કોરોના જેવી મહામારીના કારણે લોકોને ઘરની અંદર પુરાઈ રહેવું પડ્યું હતું. લોકડાઉનને લઇ લોકો ઘરની બહાર પણ નીકળી શક્યા નહોતા, દેશ અને રાજ્યમાં ધાર્મિક સ્થળો, પ્રવાસન સ્થળો સ્થળો અને હોટેલ સહિત મંદિરોમાં લોકોના પ્રવેશ પર પ્રતિબંધ લગાવવામાં આવ્યો હતો ત્યારે હવે દોઢ વર્ષ જેટલા સમય બાદ કોરોના મહામારી ઓછી થતાં સરકાર દ્વારા પણ તમામ જગ્યાએ માસ્ક અને સોશિયલ ડિસ્ટન્સ સાથે છૂટછાટ આપવામાં આવી છે.

આબુમાં સૌથી વધુ ગુજરાતી પર્યટકો

હાલમાં દિવાળી વેકેશનને લઇ લોકો ફરવા માટે નીકળ્યાં છે. ત્યારે હિલ સ્ટેશન માઉન્ટ આબુમાં લોકોનો ધસારો જોવા મળી રહ્યો છે ફરવાના શોખીન લોકો જુદી જુદી જગ્યાએ પ્રવાસ માટે આવતા હોય છે ત્યારે માઉન્ટ આબુ પ્રવાસ માટે ખુબ જાણીતું બન્યું છે. આવતા લોકોને કોઈ તકલીફના પડે તે માટે તંત્ર દ્વારા પ્રવાસીઓ માટે અનેક સુવિધાઓ ઉભી કરાઇ છે.