ટેક્સ / GDP બાદ મોદી સરકારને GSTમાં પણ મોટો ઝટકો, કલેક્શનમાં થયો આટલો ઘટાડો

મહેસૂલ વિભાગનું માનીએ તો જીએસટી દ્વારા ઓગસ્ટમાં કુલ 98,203 કરોડ રૂપિયા મળ્યા છે. જેમા 24 હજાર કરોડ રૂપિયાથી વધારે રાશિ માત્ર ઇમ્પોર્ટથી મળી છે. 

GSTમાં કેન્દ્ર અને રાજ્ય બંનેનો ભાગ

આંકડા મુજબ કુલ જીએસટી કલેક્શન 98,203 કરોડ રૂપિયામાં કેન્દ્ર અને રાજ્ય બંનેનો ભાગ છે. 98 હજાર કરોડમાંથી 17,733 કરોડથી વધારેની રાશિ કેન્દ્ર સરકારની છે. જ્યારે 24,239 કરોડ રાશિ રાજ્યોને મળી છે. જ્યારે 48,958 કરોડ રૂપિયા IGSTથી મળ્યા છે. જ્યારે મહેસૂલ વિભાગ મુજબ, જુલાઇથી લઇને 31 ઓગસ્ટ 2019 સુધી કુલ 75.80 લાખ લોકોએ GSTR 3B હેઠળ રિટર્ન ભર્યું છે. જેથી કેન્દ્ર સરકારને લગભગ 40 હજાર કરોડ રૂપિયા મહેસૂલ મળ્યું છે. 

ગત ઓગસ્ટની તુલનામાં 4.51 ટકાનો વધારો

વસ્તુઓ અને સેવા ઉપર લાગનાર ટેક્સ બે પ્રકારના હોય છે. જેમા એક ભાગ કેન્દ્ર સરકાર અને બીજો ભાગ રાજ્ય સરકાર પાસે જાય છે. આ પહેલા ગત વર્ષે ઓગસ્ટ મહીનામાં કુલ 93,960 કરોડ રૂપિયાનું GST કલેક્શન થયું હતું. ગત વર્ષે ઓગસ્ટ મહીના સાથે તુલના કરવામાં આવે તો, આ વર્ષે જીએસટી કલેક્શનમાં 4.51 ટકાનો વધારો નોંધવામાં આવ્યો. 

નોંધનીય છે કે જુલાઇ 2019માં આ રાશિ 1,02,083 કરોડ રૂપિયા રહી હતી. જૂનમાં આ રાશિ 99,939 કરોડ રૂપિયા રહી હતી. આ પ્રકારે જૂન અને જુલાઇની તુલનામાં ઓગસ્ટમાં ઘટાડો નોંધાયો છે. 

GDPમાં પણ મોટો ઘટાડો

નોંધનીય છે કે આર્થિક મોરચે પણ મોદી સરકારને જીએસટી પહેલા જીડીપીનો ઝટકો લાગ્યો છે. દેશના વિકાસ દર (GDP)માં ઘટાડો નોંધાયો છે. પહેલા ક્વાર્ટર (એપ્રિલ-જૂન)માં વિકાસ દર 5.8થી ઘટીને 5 ટકા થઇ ગયો છે. જો વાર્ષિક આધારે તુલના કરવામાં આવે તો લગભગ 3 ટકાનો ઘટાડો થયો છે. એક વર્ષ પહેલા આ ક્વાર્ટરમાં GDP દર 8 ટકા હતો.