કોરોનાનો ડેલ્ટા પ્લસ વેરિએંટ ચર્ચાનો વિષય બન્યો છે. ડેલ્ટા વેરિએંટની પરિસ્થિતીની સમીક્ષા કરવા માટે દર સપ્તાહે એક બેઠકનું આયોજન કરવામાં આવશે. હાલ ચેન્નઈમાં એક હોસ્પિટલની નર્સમાં ડેલ્ટા વેરિએંટ જોવા મળ્યો છે.
ડેલ્ટા વેરિએંટને લઇને લોકો અત્યારથી સતર્ક
વેક્સિન ડેલ્ટા વેરિએંટ સામે અસરકારક
તમીલાનડુની નર્સમાં ડેલ્ટા વેરિએંટ જોવા મળ્યો
ભારતમાં ડેલ્ટા પ્લસ વેરિએંટના કેસ ધીરે ધીરે વધી રહ્યા છે. અત્યાર સુધી ભારતમાં ડેલ્ટા પ્લસ વેરિએંટના કુલ 40 કેસ સામે આવ્યા છે. જેના કારણે Indian SARS-COV-2 Genomic Consortia દ્વારા આ મામલે દર અઠવાડિયે સમિક્ષા બેઠક કરવામાં આવશે. આ બેઠકમાં ડેલ્ટા વાયરસથી છૂટકારો મેળવવા માટે ચર્ચા કરવામાં આવશે.
લોકો પહેલાથી સતર્ક
દેશના ઘણા રાજ્યોમાં ડેલ્ટા પ્લસ વેરિએંટને લઈને અત્યારથી સતર્કતા જોવા મળી રહી છે. પરંતુ ઉત્તરપ્રદેશમાં ડેલ્ટા પ્લસ વેરિએંટના વધારે દર્દીઓ મળી રહ્યા છે. જેથી ત્યા સતર્કતા વધારે રાખવાની જરૂર છે.
વેક્સિન ડેલ્ટા વેરિએંટ સામે અસરકારક
મધ્યપ્રદેશમાં પણ અત્યાર સુધીમાં ડેલ્ટા પ્લસ વેરિએંટના કુલ પાંચ કેસ નંધાયા છે. જોકે એક સારી બાબત એ છે કે ભારતમા જે બે વેક્સિન લોકોને આપવામાં આવી રહી છે. તે વેક્સિન ડેલ્ટા પ્લસ વેરિએંટ માટે અસરકારક છે. મધ્ય પ્રદેશમાં જે પાંચ કેસ નોંધાયા છે તે લોકોને વેક્સિન આપવામાં આવી હતી. જેથી તેમને હોસ્પિટલમાં દાખલ થવાનો વારો નથી આવ્યો.
લોકોમાં ભયનો માહોલ
ખાસ મધ્યપ્રદેશમા ઉજ્જૈન, રાયસેન, અશોક નગર અને ભોપાલ આ પાંચ જિલ્લા છે કે જ્યા ડેલ્ટા પ્લસ વેરિએંટ જોવા મળ્યા છે. કોરોનાની બીજી લહેરમાં મધ્યપ્રદેશમાં ડેલ્ટા વેરિએંટ જોવા મળ્યો. જોકે મધ્યપ્રદેશ સિવાય કેરેલા, જમ્મુ કશ્મીર અને મહારાષ્ટ્રમાં પણ ડેલ્ટા વેરિએંટના કેસ નોંધાઈ ચુક્યા છે. જેના કારણે અહીયાના લોકો પણ હાલમાં ભયમાં છે.
તમીલાનડુની નર્સમાં ડેલ્ટા વેરિએંટ જોવા મળ્યો
તમીલનાડુના ચેન્નઈમાં એક નર્સમાં ડેલ્ટા વેરિએંટ જોવા મળ્યો છે. તમીલનાડુમાંથી 1158 જેટલા સેમ્પલ મોકલવામાં આવ્યા છે. આ સેમ્પલોમાંથી 772 જેટલા સેમ્પલ ચેક કરવામાં આવ્યા. જે પૈકી એક 32 વર્ષીય મહિલાનો કેસ સામે આવ્યો જે હોસ્પિટલમાં નર્સ તરીકે ફરજ બજવે છે.
દેશ માટે ડેલ્ટા વેરિએંટ ગંભીર પ્રશ્ન
વિશેષજ્ઞોનું કહેવું છે કે વાયરસમાં બદલાવ આવવો સામાન્ય બાબત છે. પરંતુ ડેલ્ટા વેરિએંટને નિયંત્રિક કેમનો કરવો તે એક ગંભીર સવાલ છે. દેશમાં હાલ કોરોનાની ત્રીજી લહેરને લઈને ભય ફેલાયેલો છે કારણકે બીજી લહેર ભારત માટે ઘણી ઘાતક સાબિત થઈ છે. ત્યારે આવા સમયે ડેલ્ટા વેરિએંટ સામે આવ્યો છે. જે ભારત માટે એક ગંભીર પ્રશ્ન બની ગયો છે.