લંડન ધ ઑવલ ગ્રાઉન્ડ પર રવિવારે ટીમ ઇન્ડિયા 5મી વખત વર્લ્ડ કપ ચેમ્પિયન ઓસ્ટ્રેલિયા સામે રમશે.
માનવામાં આવી રહ્યુ છે કે અહીંયાનું વાતાવરણ ક્રિકેટ માટે અનૂકુળ રહેશે, પરંતુ બપોરે વરસાદ થઇ શકે છે. વર્લ્ડ કપ 2019માં અત્યાર સુધી ઑવલના ગ્રાઉન્ડ પર રમાયેલી મેચમાં બીજી ઇનિંગમાં બેટિંગ કરવી થોડી અઘરી પડશે, આ કારણથી ટૉસ મહત્વનો રહેશે.
આ ગ્રાઉન્ડ પર વર્લ્ડ કપ 2019 કુલ 5 મેચ થવાની છે, જેમાં 3 મેચ થઇ ચૂકી છે. 2 મેચમાં પહેલા બેટિંગ કરવા માટે આવેલી ટીમ મેચ જીતી છે. અહીંયા વર્લ્ડ કપમાં પહેલી મેચ ઇંગ્લેન્ડ સાઉથ આફ્રિકાની વચ્ચે રમાઇ, આ મેચમાં સાઉથ આફ્રિકાએ ટૉસ જીતીને પહેલા બૉલિંગ કરવાનો નિર્ણય લીધો. પહેલા બેટિંગ કરવા માટે આવેલી ઇંગ્લેન્ડની ટીમે 311/8 (50) કર્યા, જ્યારે ટાર્ગેટમાં સાઉથ આફ્રિકા ટીમે 207/10 (39.5) ઑલઆઉટ થઇ ગઇ.
તો આ ગ્રાઉન્ડ પર બીજી મેચ સાઉથ આફ્રિકા અને બાંગ્લાદેશની વચ્ચે રમાઇ હતી. સાઉથ આફ્રિકાએ ટૉસ જીતીને પહેલા બૉલિગ કરવાનો નિર્ણય કર્યો. આ મેચમાં બાંગ્લાદેશે 330/6 (50) સ્કોર કર્યો, જ્યારે સાઉથ આફ્રિકાની ટીમે 309/8 (50) કરી શકી.
ત્રીજી મેચ બાંગ્લાદેશની સામે ન્યૂઝીલેન્ડ હતી. આ મેચ ઘણી રોમાંચક રહી. ન્યૂઝીલેન્ડે ટોસ જીતીને પહેલા બૉલિંગ કરવાનો નિર્ણય કર્યો. પહેલા બેટિંગ કરવા માટે આવેલી બાંગ્લાદેશે 244 (49.2) રન કર્યા, જ્યારે ટાર્ગેટમાં પૂરો કરવા માટે આવેલી ન્યૂઝીલેન્ડ માટે આ જીત મુશ્કેલ પડી, પરંતુ છેલ્લે 2 વિકેટ મેચ જીતી ગઇ.
આ ગ્રાઉન્ડ પર ટીમ ઇન્ડિયાએ 15 મેચ રમી છે, જેમાંથી 5 મેચ જીતી અને 9 મેચ હારી છે. જ્યારે એક મેચનું પરિણામ આવ્યુ નથી. જોકે 25000 ક્ષમતાવાળા સ્ટેડિયમમાં ઇન્ડિયન્સ ફેન્સ ટીમ ઇન્ડિયાને ચીર કરવા માટે સારી સંખ્યામાં પહોંચશે. અત્યાર સુધી ટીમ ઇન્ડિયા અને ઓસ્ટ્રેલિયા 11 વખત આમને સામને આવી છે, જેમાં 8 વખત ઓસ્ટ્રેલિયાએ મેચ જીતી છે.
વર્લ્ડ કપની પહેલી મેચમાં બૉલર્સે શાનદાર ફોર્મ આપ્યુ. શરૂઆતમાં જ જસપ્રીત બુમરાહને વિકેટ લીધી તો ભુવનેશ્વરે રન રોક્યા. જે પછી લેગ સ્પિનર યૂઝવેન્દ્ર ચહલે પોતાનો કમાલ બતાવ્યો. ઓસ્ટ્રેલિયા માટે ટીમ ઇન્ડિયાના બૉલર્સ ચિંતારૂપ છે. જોકે માર્ચમાં ઓસ્ટ્રેલિયાએ ટીમ ઇન્ડિયાને ભારતમાં જ હરાવ્યુ છે અને ત્યારે પણ તમામ બૉલર્સનું ફોર્મ સારું જ હતુ.