ચક્રાવતની સ્થિતિ / સુત્રાપાડામાં વંટોળ : ભારે પવનના કારણે વીજપોલ અને મકાનના છાપરા પડ્યા, ખેતરોમાં પાકને નુકસાન

• ગીર સોમનાથ સુત્રાપાડાના લોઢવા ગામે ભારે પવન ફૂંકાયો
• ગાજ વીજ સાથે ભારે પવન વચ્ચે ચક્રવાતની સ્થિતિ
• વંટોળમાં વીજપોલ અને મકાનના છાપરા પડ્યા

ગુજરાતમાં ફરી વરસાદી માહોલ જામ્યો છે. 5 ઓગસ્ટ બાદ વરસાદી સિસ્ટમ સક્રિય થઈ ગઈ છે જેના કારણ અનેક જિલ્લામાં વરસાદ ખાબકી રહ્યો છે. જૂનાગઢ, ગીર સોમનાથમાં અતિભારે વરસાદની આગાહી કરવામાં આવી છે ત્યારે આજે મોડી સાંજે ગીર સોમનાથના સુત્રાપાડાના લોઢવા ગામે ભારે પવન ફૂંકાયો હતો. ગાજ વીજ સાથે ભારે પવન વચ્ચે ચક્રવાતની સ્થિતિ સર્જાઇ હતી. વંટોળમાં વીજપોલ અને મકાનના છાપરા ઉડી ગયા હતા. મોટા પાયે વૃક્ષો ધરાશાયી થઈ ગયા હતા. કાર, બાઈક તેમજ અન્ય સાધન સામગ્રીને પણ મોટુ નુકસાન થયું છે. વંટોળને કારણે ખેતરોમાં પણ પાક પણ નીચો નમી ગયો છે જેથી નુકસાનની ભીતિ સેવાઇ રહી છે.

શિંગોડા ડેમનો દરવાજો ખોલાયો
તો બીજી તરફ ગીર સોમનાથના જામવાળા ગીરના શિંગોડા ડેમમાં ઉપરવાસમાં વરસાદને પગલે પાણીની આવક થતાં પાણી છોડવામાં આવ્યું છે. ડેમનું રૂલ લેવલ જાળવી રાખવા 1 દરવાજો 0.30 મીટર ખોલાયો હતો.  1 દરવાજો ખોલી 1 હજાર 140 ક્યૂસેક પાણી છોડવામાં આવ્યું છે નદી કાંઠાના વિસ્તારના ગામને એલર્ટ કરવામાં આવ્યા છે.

હવામાન વિભાગની નવી આગાહી, 7 જિલ્લા રેડ એલર્ટ
ગુજરાતમાં હવામાન વિભાગ દ્વારા ભારે વરસાદની આગાહી કરવામાં આવી છે. આવતીકાલે રાજ્યમાં ભારે વરસાદની આગાહી કરવામાં આવી છે.  જૂનાગઢ, ગીર સોમનાથમાં અતિભારે વરસાદની આગાહી કરવામાં આવી જ્યારે  પોરબદંર, રાજકોટ,અમરેલી, ડાંગ અને  નવસારી, વલસાડમાં ભારે વરસાદની આગાહી કરવામાં આવી. સુરત, તાપી, વડોદરા, આણંદ, મહેસાણા, પાટણમાં વરસાદની આગાહી કરવામાં આવી. આ ઉપરાંત બનાસકાંઠા, સુરેન્દ્રનગર, બોટાદમાં વરસાદની આગાહી કરવામાં આવી છે.

ઉત્તર ગુજરાતમાં ભારે વરસાદની આગાહી
અત્યાર સુધીમાં સૌથી ઓછો વરસાદ જો નોંધાયો હોય તો ઉત્તર ગુજરાતમાં. પરંતુ આગામી 24 કલાકમાં ઉત્તર ગુજરાતમાં ભારે વરસાદની આગાહી કરવામાં આવી છે. મધ્ય ગુજરાતનાં અમદાવાદ, ગાંધીનગર વડોદરામાં મધ્યમથી ભારે વરસાદ રહેશે. 9 અને 10 ઓગસ્ટે અમદાવાદને મેઘરાજા ધમરોળશે. ત્યાં જ 10 અને 11 ઓગસ્ટ સુધી રાજ્યમાં વરસાદનું જોર રહેશે.

સૌરાષ્ટ્ર-કચ્છને પણ ઘમરોળશે
સૌરાષ્ટ્ર કચ્છમાં 11મી ઓગસ્ટના રોજ અત્યંત ભારે વરસાદની આગાહી છે. ત્યાં જ ગીર-સોમનાથ અને જૂનાગઢ જિલ્લામાં અત્યંત ભારે વરસાદ ખાબકવાની શક્યતા છે. બનાસકાંઠા, સાબરકાંઠા, પાટણ, મહેસાણા, અરવલ્લી, મહીસાગર તેમજ દાહોદમાં પણ ભારે વરસાદ પડી શકે છે. વલસાડ, દમણ અને દાદરા અને નગર-હવેલીમાં અત્યંત ભારે વરસાદની સંભાવના છે. સૌરાષ્ટ્ર કચ્છમાં 11મી ઓગસ્ટના રોજ અત્યંત ભારે વરસાદની આગાહી છે. ત્યાં જ ગીર-સોમનાથ અને જૂનાગઢ જિલ્લામાં અત્યંત ભારે વરસાદ ખાબકવાની શક્યતા છે.

છેલ્લા ચોવીસ કલાકની જો વાત કરીએ તો ગુજરાતમાં 100થી વધુ તાલુકાઓમાં હળવેથી મધ્યમ વરસાદ નોંધાયો હતો. રાજ્યમાં અત્યારસુધીમાં સરેરાશ 76 ટકા વરસાદ થયો છે. હવામાન વિભાગ દ્વારા 8થી 10 ઑગષ્ટ સુધી ભારે વરસાદની આગાહી કરવામાં આવી છે.  આ દિવસોમાં  સૌરાષ્ટ્ર અને દક્ષિણ ગુજરાતના દરિયાકાંઠા વિસ્તારોમાં ભારે વરસાદની આગાહી કરવામાં આવી. જ્યારે માછીમારોને પણ દરિયો નહીં ખેડવા ચેતવણી આપવામાં આવી છે.