કુદરતી કહેર / પંજાબમાં આવ્યું ભયંકર ચક્રવાત: 50થી વધારે ઘરોને નુકસાન, 10 ઘાયલ, BSFના જવાનોએ સંભાળ્યો મોરચો

• પંજાબમાં અચાનક ત્રાટક્યું જોરદાર તોફાન
• 50થી વધુ મકાનોની છત ઉડી, ઝાડ પડ્યા
• અનેક લોકો કાટમાળ નીચે દબાતા ઈજાગ્રસ્ત

પંજાબના ફાઝિલ્કામાં આવેલા ચક્રવાતી તોફાનથી હાહાકાર મચી ગયો છે. પંજાબના ફાઝિલ્કા જિલ્લામાં શુક્રવારે એક એવું દ્રશ્ય જોવા મળ્યું જેને જોઈને લોકો આશ્ચર્યચકિત થઈ ગયા. આ તોફાનના પગલે અનેક ઘરોની છત ઉડી ગઈ હતી. વાવાઝોડું એટલું જોરદાર હતું કે વીજ થાંભલા પડી ગયા હતા. વિવિધ સ્થળોએ છત ઉડવા અને વૃક્ષો પડવાને કારણે અડધા ડઝનથી વધુ લોકો ઘાયલ થયા છે. લોકોને આ ચક્રવાતી તોફાન વિશે પહેલાથી કોઈ ખ્યાલ નહોતો. ચક્રવાતી તોફાનની માહિતી મળતાં જ ફાઝિલ્કાના ડીએસપી અને પૂર્વ ધારાસભ્ય ઘટનાસ્થળે પહોંચ્યા હતા.સ્થાનિક લોકોએ જણાવ્યું કે છત ઉડવાને કારણે ઘણા લોકો છતની નીચે આવી ગયા હતા પરંતુ ગ્રામજનોની મદદથી તેમને બચાવી લેવામાં આવ્યા હતા. બાદમાં ઈજાગ્રસ્તોને સારવાર માટે હોસ્પિટલ લઈ જવાયા હતા.આ સિવાય અબોહર જિલ્લાના ખુઇયા સરવર બ્લોકના બકનવાલા ગામમાં વાવાઝોડાએ ભારે તબાહી મચાવી હતી. વાવાઝોડાએ લગભગ 50 ઘરોને ભારે નુકસાન પહોંચાડ્યું હતું.  ઘણા લોકો કાટમાળ નીચે દટાયા હતા. ગ્રામજનોએ ભારે મુશ્કેલીથી તેને બહાર કાઢવામાં આવ્યા હતા અને સારવાર અર્થે હોસ્પિટલમાં ખસેડવામાં આવ્યા હતા.

One of the closest video of tornado from Bakainwala, Fazilka, Punjab...

Just listen the roar of twisting winds of tornado like jet passing by...#Punjabtornado #Tornado #Indiaweather #Tornadoindia pic.twitter.com/GR3fm1WYCC

— Sahil Bhatt (@SahilBhatt_) March 24, 2023

ઘટનાનો એક વીડિયો સોશિયલ મીડિયા વાયરલ

આ વિસ્તારમાં બચાવ માટે BSF જવાન તૈનાત કરવામાં આવ્યા છે. ઘાયલોમાંથી બેને ફરીદકોટ મેડિકલ કોલેજમાં મોકલવામાં આવ્યા હતા, જ્યારે બાકીનાને અબોહર સિવિલ હોસ્પિટલમાં મોકલવામાં આવ્યા હતા. મળતી માહિતી મુજબ ટોર્નેડો પાકિસ્તાન તરફ આગળ વધ્યું હતું. ગામના એક પ્રદીપ સિંહે જણાવ્યું હતું કે, આકાશમાં સાંજે 4 વાગ્યાની આસપાસ અચાનક ટોર્નેડો દેખાયું અને હાહાકાર મચાવી દીધો. આ વિસ્તારમાં વ્યાપક નુકસાન થયું. આ ઘટનાનો એક વીડિયો સોશિયલ મીડિયા પર ખુબ જ શેર કરવામાં આવ્યો હતો, જેમાં ઘણા ગામોની આસપાસ ફરતા ટોર્નેડોને જોઈ શકાય છે. બુકૈનવાલા, ફાઝિલ્કા, પંજાબના ટોર્નેડોનો સૌથી નજીકનો એક વીડિયો સામે આવ્યો છે. 

પ્રાણીઓ પણ ઘાયલ થયા 

ટોર્નેડોના વળાંકવાળા પવનોની ગર્જના સાંભળો તો એવું લાગે કે જાણે જેટ પસાર થઈ રહ્યું છે. ફાઝિલ્કાના ડેપ્યુટી કમિશનર સેનુ દુગ્ગલે કહ્યું, ગામમાં વ્યાપક નુકસાન થયું છે અને અમે ઘરો અને અન્ય સંપત્તિને ચોક્કસ નુકસાનની તપાસ કરી રહ્યા છીએ. મોટાભાગના ઘરોની છત ઉડી ગઈ હતી. તોફાનમાં લોકો ઉપરાંત ઘણા પ્રાણીઓ પણ ઘાયલ થયા હતા.