અ'મંગળવાર' / સાણંદ GIDC વિસ્તારમાં બંધ પડેલા ટ્રક પાછળ તુફાન કાર ઘૂસી ગઈ, 4ના કમકમાટી ભર્યા મોત

• સાણંદના જીઆઈડીસી વિસ્તારમાં ગમખ્વાર અકસ્માત 
• ચાર લોકોના  મોત  અન્ય ચારથી વધુ લોકોને ઇજા 
• બંધ પડેલ ટ્રક પાછળ તુફાન કાર ટકરાતા અકસ્માત 

વિકાસની હરણફાડ ભરતા અમદાવાદમા અકસ્માતની ગોઝારી ઘટના પણ અટકવાનું નામ જ લેતી નથી. તેવામાં આજે અમદાવાદ નજીકના સાણંદ જીઆઈડીસી વિસ્તારનો માર્ગ આજે રક્તરંજિત બન્યો છે. જેમાં બંધ પડેલ ટ્રક પાછળ તુફાન કાર ટકરાતા ભયંકર અકસ્માત સર્જાયો હતો. હૈયું હચમચાવતી આ કરુણ ઘટનામાં એક સાથે ચાર લોકોના મોત માર્ગ મરણચીસોથી ગુંજયો હતો. આ ઘટનાને લઇને સમગ્ર પંથકમાં સનસનાટી મચી જવા પામી છે.

અકસ્માતમાં ચાર લોકોના કમકમાટીભર્યા મોત 
સાણંદના જીઆઈડીસી વિસ્તારમાં વિરોચનગરથી છારોડી રોડ પર આ અકસ્માત સર્જાયો હતો. બપોરના સમયગાળા દરમિયાન ટ્રોઈકા ફાર્મા કંપનીના સ્ટાફને લઇ તુફાન કાર  જતી હતી આ વેળાએ વાનના ચાલકે સ્ટેરિંગ પરનો કાબુ ગુમાવી દેતા કાર બંધ પડેલ ટ્રક પાછળ ઘૂસી ગઇ હતી. જે અકસ્માતમાં ચાર લોકોના કમકમાટીભર્યા મોત નિપજ્યાં હતા. જ્યાંરે અન્ય ચારથી વધુ લોકોને ઇજા પાહોચતા  તાત્કાલીક સારવાર અર્થે ખસેડવામાં આવ્યા હતા.

 
જી. આઈ. ડી.સી. પોલીસ ઘટનાસ્થળે 
બીજી  તરફ આ ઘટનાને લઇને સાણંદ જી. આઈ. ડી.સી. પોલીસે તાબડતોબ ઘટનાસ્થળે દોડી ગઇ હતી અને ઇજાગ્રસ્તોને સારવાર માટે ખસેડવા સહીતની કાર્યવાહી હાથ ધરી હતી.