કાબુલ / મહિલા આઝાદીની બાંગો પોકારનાર તાલિબાનનું નવું ફરમાન, નટખટ છોકરીઓને ઘરમાં રહેવાનો આપ્યો આદેશ

• મહિલા વિરોધી તાલિબાની માનસિકતા
• છોકરીઓ માટે બહાર પાડ્યું નવું ફરમાન
• નોટી (શરારતી) છોકરીઓ ઘરની બહાર ન નીકળે 

મહિલાઓની આઝાદીની બાંગો પોકારનાર તાલિબાને હવે એક નવું ફરમાન બહાર પાડ્યું છે. અફઘાનિસ્તાનના કાર્યકારી ગૃહ પ્રધાન અને તાલિબાનના સહ-નાયબ નેતા સિરાજુદ્દીન હક્કાનીએ કહ્યું કે તોફાની છોકરીઓએ ઘરમાં જ રહેવું જોઈએ. તેમણે કહ્યું કે તોફાની છોકરીઓ એટલે એવી મહિલાઓ જે બીજાના કહેવા પર સરકાર પર સવાલ ઉઠાવતી રહે છે.

નટખળ છોકરીઓ ઘરમાં રહે

સિરાજુદ્દીન હક્કાનીએ કહ્યું કે અમે મહિલાઓની આઝાદીની વિરુદ્ધમાં નથી પરંતુ મહિલાઓ કેટલાક નિયમોનું પાલન કરવું જોઈએ અને જે છોકરીઓ નટખટ છે તેમણે બહાર ન નીકળતા ઘેર જ રહેવું જોઈએ.  તેમણે કહ્યું કે છઠ્ઠા ધોરણ સુધીની છોકરીઓ પહેલેથી જ શાળાએ જઈ રહી છે અને જો ઉપરોક્ત વર્ગ તેની ઉપરના વર્ગ વિશે ઇચ્છે છે, તો પછી સારા સમાચાર ટૂંક સમયમાં સાંભળવામાં આવશે. છોકરીઓ હિજાબ પહેરતી હોવા અંગે હક્કાનીએ જણાવ્યું હતું કે, "અમે કોઈ મહિલા પર હિજાબ પહેરવાનું દબાણ નથી કર્યું, પરંતુ અમે તેમને સલાહ આપી છે, અને હિજાબ પર તેને ઉપદેશ આપવામાં આવે છે કે હિજાબ જરૂરી નથી, પરંતુ તે ઇસ્લામિક આદેશ છે કે દરેક વ્યક્તિએ તેનું પાલન કરવું જોઈએ. તાલિબાને સત્તા સંભાળ્યા બાદ માર્ચમાં છઠ્ઠા ધોરણ સુધીની અફઘાન છોકરીઓની શાળાઓ ખોલવાની હતી પરંતુ ત્યારબાદ તેમને શરિયત અને અફઘાનોની પરંપરા અને સંસ્કૃતિ અનુસાર તેમની શાળાનો ગણવેશ નક્કી ન થાય ત્યાં સુધી ઘરમાં જ રહેવાનું કહેવામાં આવ્યું હતું.

તાલિબાને મહિલાઓ માટે માથાથી પગ સુધીના બુરખાનો નિયમ લાગુ પાડ્યો છે 
સત્તા પર આવ્યા બાદ તાલિબાને મહિલાઓને હિજાબ પહેરવાની અથવા સ્કાર્ફથી માથા ઢાંકવાની માંગ કરી હતી. જો કે, તે ઇચ્છે તો પોતાનો ચહેરો ખુલ્લો રાખી શકે છે. પરંતુ મે મહિના સુધીમાં તેના પર દબાણ કરવામાં આવ્યું હતું કે તે પોતાનો ચહેરો સંપૂર્ણ રીતે ઢાંકી દે અને જાહેર સ્થળોએ બુરખો પહેરે. 1996થી 2001 સુધી તાલિબાન સરકાર સત્તામાં હતી ત્યારે પણ મહિલાઓ માટે બુરખો પહેરવાનો નિયમ ફરજિયાત હતો.