ટ્રાવેલ / ફરવાનો શોખ છે પરંતુ સેલેરી ઓછી હોય તો આ રીતે બનાવો તમારી બજેટ ટ્રીપ

ફરવા જતા પહેલા દરેક વાતો ધ્યાનમાં રાખવી પડે છે જેમાં પહેલો નંબર આવે છે બજેટ. કેટલીક વખત વધારે ખર્ચ થવાના કારણે મજા થોડી બગડી જાય છે. એવામાં અમે તમને જણાવી રહ્યા છીએ એ રીત માટે, જેનો ઉપયોગ કરીને તમે તમારા ટ્રાવેલની મજા બગાડતા અટકાવી શકો છો. 

પહેલાથી તૈયારી કરો, જરૂરી સામાન સાથે રાખો, કેટલીક વખત ઊતાવળમાં સામાન રહી જાય છે. અને પછી ટૂર પર જઇને એ વસ્તુ માટે વધારે પૈસા ચુકવવા પડે છે. 

જો તમારે ઉનાળાની રજાઓમાં ફરવા જવુો હોય તો, શિયાળામાં જ્યારે સેલ ચાલી રહ્યો હોય, ત્યારે કપડાં ખરીદી લો. એનાથી શું પહેરવાનું છે એ પહેલાથી નક્કી થઇ જાય છે. બીજું લગભગ અડધા પૈસા કપડાની ખરીદદારીથી બચી જાય છે. સેલમાં કપડાં લેવાથી સામાન સસ્તો ઘણો પડે છે. 

ઑફ સિઝનમાં ફરવા જાવ, એ સારું પડશે. પહાડો પર ફરવું છે તો ગરમીની રાહ જોશો નહીં. એના કરતા પહેલા જ જાવ અથવા સિઝન ઠંડી થવા દો. એનાથી તમારી પસંદગીની જગ્યા પર ભીડ પણ ઓછી જોવા મળશે. સાથે જ ઑફ સિઝનના કારણે ઘણા પ્રકારના ડિસ્કાઉન્ટ પણ મળી જશે. 

બાળકો સાથે જઇ રહ્યા છો તો ફેમિલી ઇન્શ્યોરન્સ પણ કરાવો,કેટલીક વખત સ્વાસ્થ્ય ખરાબ થવા પર ખિસ્સા એકદમ ખાલી થઇ જાય છે. એવામાં ઓછા પૈસામાં સમય પર ઇનશ્યોરન્સ પોલિસી લઇ લો. હોટલ બુક કરાવવાથી બચો. હોટલ બુક કરાવવાની જગ્યાએ તમે કોઇ ગેસ્ટ હાઉસમાં રોકાવવાને મહત્વ આપો. કોઇ એપાર્ટમેન્ટને ભાડેથી લો.