જાસૂસી / પાકિસ્તાનમાં ભારતીય રાજદ્વારીની ઘરની બહાર જ કરાઇ રહી છે જાસૂસી, ISI એજન્ટે કારનો કર્યો પીછો!

શું છે વીડિયોમાં

સમાચાર એજન્સી ANI એ ઘટનાને લઇને એક વીડિયો જાહેર કર્યો છે. દાવો કરવામાં આવી રહ્યો છે કે ઇસ્લામાબાદમાં તેમના ઘરની બહાર પણ જાસુસી માટે કેટલાંક બાઇક અને કાર ઉભા હોય છે.  જો કે  ISI નો એક એજન્ટ બાઇકથી ગૌરવ આહલૂવાલિયાનો પીછો કર્યો હોવાનું જાણવા મળ્યું છે. 
 

#WATCH Islamabad: Pakistan's Inter-Services Intelligence (ISI) has stationed multiple persons in cars and bikes outside the residence of India's Chargé d'affaires Gaurav Ahluwalia to harass and intimidate him. pic.twitter.com/HPRgUGp3pZ

— ANI (@ANI) June 4, 2020

ભારત ફરિયાદ કરશે

ભારતે પાકિસ્તાનની આ ગતિવિધિનો કડક વિરોધ કર્યો છે. એવું કહેવામાં આવી રહ્યું છે કે ભારત પાકિસ્તાનની આ ગતિવિધને લઇને ફરિયાદ કરશે. આ વચ્ચે સૂત્રોના જણાવ્યાં મુજબ દિલ્હીમાં પાકિસ્તાનના હાઇ કમિશ્નરે કોઇપણ પ્રકારની જાસૂસીને લઇને ઇન્કાર કર્યો છે. જો કે મીડિયાના રીપોર્ટ મુજબ આ વર્ષે માર્ચ મહિનામાં 13 વખત ભારતીય રાજદ્વારને પરેશાન કરવાનો પ્રયત્ન કરવામાં આવ્યો છે. 

પાકિસ્તાનના ઉચ્ચાઆયોગના બે અધિકારીઓને દેશ છોડવાનો આદેશ

ઉલ્લેખનીય છે કે ભારતે પાકિસ્તાનના ઉચ્ચ આયોગના બે અધિકારીઓ પર જાસુસીના આરોપને લઇને રવિવારે દેશ છોડવા આદેશ કર્યો હતો. સૂત્રોને મળતી માહિતી અનુસાર આબિદ હુસેન અને મોહમ્મદ તાહિર નામના અધિકારીઓને દિલ્હી પોલીસે તે સમયે ધરપકડ કરી હતી જ્યારે તેઓ એક ભારતીય નાગરિક પાસેથી ભારતીય સુરક્ષા પ્રતિષ્ઠાનો સંબંધિત સંવેદનશીલ દસ્તાવેજ મેળવી રહ્યાં હતા.