કોઈ પણ વ્યક્તિ દરેક તહેવારે કોઈ નવી વસ્તુ ખરીદીને પોતાના ઘરે લાવવાની ઝંખના રાખતો હોય છે અને એવામાં ફેસ્ટિવલ સિઝન દરમ્યાન કારના વેચાણમાં અચાનક તેજી આવી જાય છે. આ ઉપરાંત કાર કંપનીઓ પણ તહેવારની સિઝનમાં અમુક ઓફર્સ બહાર પાડે છે. જેના કારણે વેચાણને વધારી શકાય.
ફેસ્ટિવલ સિઝન દરમ્યાન કારના વેચાણમાં તેજીનો માહોલ
તમારે મનપસંદ કાર ખરીદવી છે, તો તેના માટે જોવી પડશે રાહ
કારનો વેઈટીંગ પીરિયડ હોવાથી ગ્રાહકોને જોવી પડશે રાહ
આવી સ્થિતિમાં જો તમારે તમારી મનપસંદ કાર ખરીદવી છે તો તેના માટે લાંબી રાહ જોવી પડશે. કારણકે વધુ ઓર્ડર હોવાના કારણે વેઈટિંગ પીરિયડ વધી જાય છે. અમે આજે તમને એવી પોપ્યુલર કાર વિશે જણાવીશું કે જેનું ઓક્ટોબર મહિનામાં બુકિંગ થયા બાદ આખુ વર્ષ તમારે કારની રાહ જોવી પડી શકે છે. કારણકે આ બધી કાર ડિમાન્ડમાં રહે છે અને કેટલીક કાર ગ્રાહકો માટે મહત્વની હોય છે.
મહિન્દ્રા થાર
આજકાલ દરેક વ્યક્તિ SUV ખરીદવાનું સપનુ રાખે છે અને તેના માટે મહિન્દ્રા થાર સૌથી સારો વિકલ્પ છે. આ કારની માંગ સૌથી વધારે છે. કારણકે કારનો વેઈટીંગ પીરિયડ સૌથી વધારે છે. જો તમે કારનું બુકિંગ કરાવવો છો તમારે આખુ વર્ષ રાહ જોવી પડશે. થારની પ્રારંભિક કિંમત 12.78 લાખ રૂપિયા છે.
હ્યુન્ડાઈ ક્રેટા
હ્યુન્ડાઈ ક્રેટા સીરીઝમાં સૌથી પોપ્યુલર છે અને સતત આ SUVના વેચાણમાં વધારો જોવા મળ્યો છે. ક્રેટાની એક્સ શો રૂમ કિંમત સરેરાશ 10 લાખથી લઇને 18 લાખ રૂપિયા સુધી છે. જો તમે આ કારને પોતાના ઘરે લાવવા માંગો છો તો તેના માટે 9 મહિના સુધી રાહ જોવી પડશે.
મારૂતી અર્ટીગા
અર્ટીગાની CNG કારને પોતાના ઘરે લાવવા માટે તમારે 9 મહિના રાહ જોવી પડશે. કારના પેટ્રોલ વર્ઝનનો વેઈટીંગ પીરિયડ 4 થી 5 મહિનાનો છે. આ કારની એક્સ શો રૂમ કિંમત 8 થી 10.70 લાખની વચ્ચે છે.
નિસાન મેગ્નાઈટ
નિસાનની આ કારનું સેફ્ટી રેન્કિંગ 4 છે અને આ ખૂબ ડીમાન્ડમાં રહે છે. કારની ડિમાન્ડને જોઈને કંપનીએ હાલમાં પોતાની ઉત્પાદન ક્ષમતાને વધારી દીધી છે. તેમ છતાં તમે આ કારને ખરીદી રહ્યાં છો તો તેનો વેઈટીંગ પિરિયડ વધીને હવે 8 મહિનાનો થઇ ગયો છે.
કિઆ સેલ્ટોસ
કિઆ કારને ઘરે લાવવા માટે તમારે 5 મહિના સુધી રાહ જોવી પડી શકે છે. કારનો વેઈટીંગ પીરિયડ તમારા લોકેશન અને કારના વેરિએન્ટ પર આધાર રાખશે. પરંતુ તેમ છતાં પણ મોટાભાગના શો રૂમમાં આ કારના બુકિંગના 5 મહિના બાદ ડિલીવરી થઇ રહી છે.