ગૃહિણીઓ જમવાનુ બનાવવાથી લઇને કિચનના દરેક કામમાં માહેર હોય છે. તેમ છતાં પણ કોઇ નવી ડિશ બનાવવાની હોય કે મહેમાનો આવી જાય ત્યારે કામ કરવામાં થોડી પરેશાની થાય છે. આ કારણે જમવાનુ બનાવવામાં મોડુ થઇ શકે છે. કેટલાક એવા સ્માર્ટ મિની ટુલ્સ અંગે આજે વાત કરીએ જેનાથી કિચનનુ દરેક કામ સરળ થઇ જશે.
ગૃહિણી બનશે સ્માર્ટ
મમ્મી માટે મિનિટૂલ્સ
આ મિની ટુલ્સની મદદથી તમે કીચનના તમામ નાના નાના કામ સરળતાથી પુરા કરી શકશો અને કોઇ પરેશાનીનો સામનો નહીં કરવો પડે. જાણો એવા સ્માર્ટ ટુલ્સ વિશે જે તમને સ્માર્ટ ગૃહિણી બનાવી શકે છે.
કપ કેક મેકર
મોટાભાગના લોકો જમ્યા બાદ ડેઝર્ટ ખાવાનુ પસંદ કરે છે. આવા સંજોગોમાં તમે કપ-કેક મેકરની મદદથી ટેસ્ટી મફિન્સ કે કેક બનાવી શકો છો. એટલુ જ નહીં, તે અંદરથી નોનસ્ટીક કોટેડ હોય છે તેથી તેની સરળતાથી સફાઇ પણ કરી શકો છો.
પિત્ઝા પૅન મેકર
ઘરે પિત્ઝા બનાવવા માટે તમે પિત્ઝા પૅન મેકર ખરીદી શકો છો. તેમાં પિત્ઝા સરળતાથી બની જશે અને તમને ઘરના પિત્ઝામાં રેસ્ટોરાં જેવો ટેસ્ટ પણ આવશે. તેને સાફ કરવુ પણ સરળ છે.
નુડલ્સ અને પાસ્તા મેકર
ફાસ્ટફુડ લવર્સ માટે નુડલ્સ અને પાસ્તા મેકર એકદમ પરફેક્ટ આઇડિયા છે. તમે બહુ ઓછા સમયમાં ટેસ્ટી નુડલ્સ કે પાસ્તા બનાવીને બધાને ખવડાવી શકો છો. આ મેકરમાં તમને ઓટોમેટિક મિક્સિંગ જેવા ખાસ ફીચર્સ આપવામા આવે છે. એટલું જ નહી, આ મિનિ ટુલ્સનુ ક્લિનીંગ કરવુ પણ સરળ છે.
મલ્ટી ફંકશન રાઇઝ કુકર
મલ્ટી ફંકશન રાઇઝ કુકરમાં ભાત, સુપ અને અન્ય વસ્તુઓ બનાવવાના બેસ્ટ ફીચર્સ છે. આ કુકરમાં નોનસ્ટીક કોટેડ પોટ, ગ્લાસ અને સ્ટીમર જેવા ફિચર્સ છે તેના કારણે ભોજન ટેસ્ટી સાથે હેલ્ધી પણ બને છે.
હેન્ડ બ્લેન્ડર
પરિવારના સભ્યો કોઇ પણ ફરમાઇશ ક્યારે કરે તે કહી ન શકાય, જો તમારી પાસે હેન્ડ બ્લેન્ડર હોય તો તમે સરળતાથી તે ડિમાન્ડને પુરી કરી શકો છો. હેન્ડ બ્લેન્ડરની મદદથી તમે કોઇ પણ શેક, જ્યુસ કંઇ પણ બનાવી શકો છો. તેની સફાઇ કરવી પણ સરળ છે.
બ્રેડ મેકર
બ્રેડ મેકરમાં તમે લોટ બાંધવાથી લઇને રોટલી બનાવવા સુધીનુ કામ સરળતાથી કરી શકો છો. એટલુ જ નહીં, તેની મદદથી તમે થોડી જ સેકન્ડમાં ઘણી બધી પુરી પણ તૈયાર કરી શકો છો અને તેને પરફેક્ટ શેપ પણ આપી શકો છો.