હેલ્થ / તમે જીભથી પણ કરી શકો બીમારીની ઓળખ, જો આ લક્ષણો દેખાય તો ડોક્ટર પાસે દોડજો

બીમારી થવા પર જ્યારે તમે ડોક્ટરને બતાવવા જાવ છો તો તે સૌથી પહેલા તમારી જીભ જુએ છે. શું તમે ક્યારેય વિચાર્યું છે કે ડોક્ટર જીભ કેમ જોવે છે? હકીકતે જીભ શરીરની અંદર થઈ રહેલી ઘણી બીમારીઓ વિશે પહેલા જ જણાવી દે છે. તમે પોતે પણ જીભમાં થતા ફેરફાર જોઈને જાણકારી મેળવી શકો છો કે તમને કોઈ બીમારી તો નથી થવાનીને. જાણો જીભ પર જોવા મળતા સંકેતો વિશે.

સફેદ ચાંદા

જીભ પર સફેદ ચાંદા થવા જણાવે છે કે પેટમાં ગડબડ છે. પાચનમાં મુશ્કેલી હોય તો ઘણી વખત જીભ પર લાલ કે સફેદ ચાંદા પડી જાય છે. તેની સારવાર તરત કરાવવી જોઈએ. તેને ક્યારેય પણ ઈગ્નોર ન કરવું જોઈએ.

જીભ પર પીળા રંગનું કોટિંગ

જો જીભ પર સફેદ રંગની હલ્કી કોટિંગ છે તો તેનો મતલબ છે કે તમે હેલ્ધી છો પરંતુ જો આજ કોટિંગ પીળા રંગની છે તો સાવધાન થઈ જાઓ. કારણ કે પીળા રંગની હલ્કી કે જાડી કોટિંગ યીસ્ટ ઈન્ફેક્શનની તરફ ઈશારો કરે છે.

વધારે સોફ્ટ જીભ

જો જીભનો રંગ ડાર્ક છે અથવા તો તે ખૂબ જ મુલાયમ થઈ રહી છે તો તેનો મતલબ છે કે વિટામિન બી12 અને આયર્નની કમી છે. તેના માટે ડોક્ટરની પાસે જઈને તપાસ કરાવવી જોઈએ.

ડાર્ક લીલા રંગની જીભ

જીભનો ડાર્ક લીલો રંગ ઈન્ફેક્શનના લક્ષણ દર્શાવે છે. ઘણી વખત કાવાસાકી બીમારી કે લાલ તાવના કારણે આમ થઈ શકે છે. જો આ હલ્કી સફેદ જોવા મળે તો એનીમિયાના સંકેત હોઈ શકે છે.

લાલ જીભ પર સફેદ સ્પોર્ટ

તમાકુ, સોપારી ખાવા લોકોની જીભ પર સફેદ સ્પોટ પડી જાય છે. ઘણી વખત વધારે તળેલુ ખાવાથી એસિડનું પ્રમાણ વધી જાય છે અને આમ થાય છે. જો એક બે અઠવાડિયા બાદ પણ આ દૂર ન થાય તો તરત ડોક્ટરને જઈને મળો.

જીભ ચિકણી થવી

જીભ પર ઉપરનો ભાગ હલ્કો ખરબચડો હોય છે. જો આ અચાનક ચિકણી થઈ જાય તો વિટામિનની કમીના લક્ષણ હોઈ શકે છે. શરીરમાં પોષક તત્વોની કમીના કારણે પણ આમ થઈ શકે છે.

વધુ વાંચો: શુક્રના તુલા રાશિમાં પ્રવેશથી સર્જાશે માલવ્ય રાજયોગ, ધન સહિત ત્રણ રાશિના 'અચ્છે દિન' શરૂ

Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ