કોંગ્રેસ નેતા રાહુલ ગાંધી રવિવારે વિદેશની ટૂંકી મુલાકાત માટે રવાના થયા હતા. કોંગ્રેસ પાર્ટીએ આ માહિતી આપી. જોકે, કોંગ્રેસે આ અંગે ખુલાસો કર્યો નથી કે રાહુલ ગાંધી ક્યાં ગયા છે. પરંતુ પાર્ટીના મુખ્ય પ્રવક્તા રણદીપ સુરજેવાલાએ પુષ્ટિ આપી હતી કે તે થોડા દિવસો માટે બહાર રહેશે.
રાહુલ ગાંધી ઇટલી જતાં રહ્યા હોવાની માહિતી : સૂત્રો
આજે એટલે કે 28 ડિસેમ્બરે કોંગ્રેસ ઉજવશે 136મો સ્થાપન દિવસ
રાહુલ ગાંધીના નાની ઇટાલીમાં રહે છે
તેમણે કહ્યું કે કોંગ્રેસ નેતા રાહુલ ગાંધી ટૂંકી વ્યક્તિગત મુલાકાત માટે રવાના થયા છે અને તેઓ થોડા દિવસો માટે બહાર રહેશે. કોંગ્રેસ ના પૂર્વ અધ્યક્ષ ક્યાં ગયા છે તેવો સવાલ પૂછતાં સુરજેવાલાએ કોઈ ખુલાસો કર્યો ન હતો.
1885 માં એ. ઓ. હ્યૂમ નામના અંગ્રેજે કોંગ્રેસની સ્થાપના કરી હતી
પરંતુ સૂત્રો દ્વારા મળતી માહિતી અનુસાર રાહુલ ગાંધી હાલમાં અમુક દિવસોના ઇટલી પ્રવાસ પર ગયા છે, નોંધનીય છે કે આજે જ કોંગ્રેસ નો સ્થાપના દિવસ છે અને આ કોંગ્રેસનો 136મો સ્થાપના દિવસ છે જેની ઉજવણી થતી હોય છે, આવા સમયે રાહુલ ગાંધીનું વિદેશ પ્રવાસે જવું એ લોકોમાં ચર્ચા ફેલાવનારી બાબત બની રહી છે. મહત્વનું છે કે આજથી 136 વર્ષ પહેલા 28 ડિસેમ્બર 1885માં એલન ઑકટેવિયન હ્યૂમ નામના અંગ્રેજે ભારતીય રાષ્ટ્રીય કોંગ્રેસ ની સ્થાપના કરી હતી.
મળતી માહિતી અનુસાર રાહુલ ગાંધી કાલે સવારે કતાર એરવેઝની ફ્લાઇટમાં ઇટલીના મિલાન જવા રવાના થયા હતા. રાહુલ ગાંધીની નાની ઇટાલીમાં રહે છે અને તે અગાઉ તેણીની મુલાકાત લીધી હતી. ઉલ્લેખનીય છે કે રાહુલ ગાંધીના વિદેશ જવાના બીજા દિવસે સોમવારે કોંગ્રેસનો 136 મો સ્થાપના દિવસ છે. આ પ્રસંગે, અખિલ ભારતીય કોંગ્રેસ સમિતિના મુખ્ય મથક પર પાર્ટી ધ્વજ લહેરાવવામાં આવશે.