દેશમાં કમોસમી વરસાદને કારણે ટામેટામાં ભાવમાં ભડકો થયો છે. કર્ણાટકની રાજધાની બેંગ્લુરુમાં એક કિલો ટામેટાનો ભાવ 120 રુપિયાએ પહોંચ્યો છે.
દેશમાં કમોસમી વરસાદને કારણે ટામેટામાં ભાવમાં ભડકો
બેંગ્લુરુમાં એક કિલો ટામેટાનો ભાવ 120 રુપિયાએ પહોંચ્યો
રીંગણ, કોબીજ અને કઠોળના ભાવ પણ વધ્યાં
કર્ણાટકમાં સતત વરસાદને કારણે ખેડૂતો માટે વિનાશ સર્જાયો છે. બેંગલુરુ અર્બન, બેંગલુરુ રૂરલ, તુમકુરુ, કોલાર, ચિક્કાબલ્લાપુર, રામનગર, હસન જિલ્લાને વરસાદને કારણે વ્યાપક નુકસાન થયું છે. પાકના નુકસાનને કારણે બેંગલુરુમાં શાકભાજીના ભાવમાં લગભગ 40 ટકાનો વધારો થયો છે. ટામેટાંની રિટેલ કિંમતમાં 90-120 રૂપિયાનો વધારો થયો છે.
રીંગણ, કોબીજ અને કઠોળના ભાવમાં થયો વધારો
દેશમાં રીંગણ, કોબીજ અને કઠોળ જેવા અન્ય શાકભાજીના ભાવમાં પણ નોંધપાત્ર વધારો જોવા મળ્યો છે. શાકભાજીના વેપારી અને બજાર સચિવ મોહમ્મદ પરવેઝનું કહેવું છે કે બેંગલુરુમાં સ્ટોકની તંગીને કારણે ઘણા શાકભાજીના ભાવમાં વધારો થયો છે. તે કહે છે, "શહેરમાં ખૂબ જ ઓછો સ્ટોક આવી રહ્યો છે, માત્ર 10-20%. એક કિલો ટામેટાનો ભાવ 150 રૂપિયા થઈ ગયો હતો, પરંતુ મહારાષ્ટ્રથી આવતા સ્ટોકને કારણે તે ઘટીને 100-110 રૂપિયા થઈ ગયો છે. કઠોળ, ગાજર, મૂળા જેવા અન્ય શાકભાજી પણ મોંઘા થઈ ગયા છે.''
કમોસમી વરસાદથી ટામેટાના પાકને વ્યાપક નુકશાન
બેંગલુરુને ઉપલબ્ધ શાકભાજીનો મોટો ભાગ કોલાર જિલ્લામાંથી આવે છે. વાસ્તવમાં કોલાર મંડીને દક્ષિણ કર્ણાટકના પાંચ જિલ્લાઓમાંથી ટામેટાં મળે છે, જેનો પાક એકલા કોલાર જિલ્લામાં 10,000 એકરમાં ઉગાડવામાં આવે છે. પરંતુ સતત વરસાદથી પાકને એટલી હદે નુકસાન થયું છે કે એપીએમસી યાર્ડમાં જે આવી રહ્યું છે તે નબળી ગુણવત્તાનું છે અને જથ્થો પણ ઓછો છે.
કોલાર એપીએમસીના ચેરમેન સીએમ મંજુનાથે જણાવ્યું હતું કે, "પરિસ્થિતિ ખૂબ જ ગંભીર છે. ખેડૂતો માટે પાક નથી. તેમને ફરીથી ખેતી શરૂ કરવા માટે ઓછામાં ઓછા એક મહિનાની જરૂર છે. ટામેટાના પાકનો માત્ર 10 ટકા ભાગ જ કાપણી કરી શકાય છે અને આગામી પાક મેળવવા માટે આપણે વધુ ત્રણ મહિના રાહ જોવી પડશે. આ બધા કારણોસર અમે અન્ય રાજ્યોમાં નિકાસ કરી શકતા નથી.' કોલારથી બેંગલુરુ ટામેટાં મોકલવામાં આવતા નથી, પરંતુ ઉત્તર ભારતના વિવિધ રાજ્યોમાં નિકાસ કરવામાં આવે છે, પરંતુ સતત નુકસાન થી ખેડૂતો ડરછે કે ટામેટાં લાંબો સમય ટકશે નહીં.