છબરડો / ઘરે પાર્કિંગમાં રહેલી કારનો ટોલ ટેક્સ કપાયો, ફાસ્ટેગ પર ઉઠ્યા સવાલ

• પાર્કિંગમાં પડેલી કારના કપાયા પૈસા 
• કાર માલિકે કરી ઓનલાઇન ફરિયાદ 
• કેવી રીતે કપાઇ શકે ઘરે રહેલી કારના રૂપિયા 

હાલમાં જ એક એવી ઘટના ગુજરાતમાં બની છે જ્યાં એક વ્યક્તિની કાર તેના ઘરે જ હતી તેમ છતાં ટોલટેક્સ કપાઇ જતાં ભારે આશ્ચર્ય થયુ છે. 

મોરબી નજીર કહેતા નાગરિક મીનેશભાઇ પટેલની ગાડી છેલ્લા ઘણા સમયથી નોનયુઝ છે. ઘરે પડેલી ગાડીનું ચલાણ કે ટેક્સ કશુ કપાય નહી તેમ છતાં 28 તારીખની આસપાસ ટોલ પ્લાઝા પરથી 80 રૂપિયા ટેક્સ કપાઇ જતા સમગ્ર મામલો સામે આવ્યો હતો. 

બન્કમાંથી આ રીતે 80 રૂપિયા કપાઇ જવાથી મીનેશ ભાઇએ ઓનલાઇન ફરિયાદ નોંધાવી છે. તેઓ કામથી બહાર ગયા હતા અને છેલ્લા ઘણાસમયથી ગાડી માત્ર પાર્કિંગમાં પાર્ક કરેલી છે. આ રીતે 80 રૂપિયા કપાઇ જતા મીનેશ ભાઇને પણ આશ્ચર્ય થયુ હતુ. બાદમાં તેમણે ફરિયાદ કરી અને જાણવાની ઇચ્છા પ્રગટ કરી કે આવું કેવી રીતે થયું. 

પાર્કિંગમાં પડેલી કારનો ટેક્સ કેવી રીતે કપાઇ શકે. આ વાત મીનેશભાઇના ધ્યાને આવી અને તેમણે ફરિયાદ નોંધાવી પરંતુ ઘણીવાર 80 રૂપિયા જેવી નજીવી રકમ માટે કોઇ ફરિયાદ કરવાની તસ્દી ન લે. સાથે જ આવી રીતે ઘણી કારના રૂપિયા કપાઇ જતા હોય તો કેટલા રૂપિયા ગેરકાયદેસર રીતે ભેગા થતા હશે તે વિચારવા જેવું છે. 

ફરડજીયાત કરેલી ફાસ્ટટેગ સિસ્ટમના કારણે આ ઘટના ઘટી છે પરંતુ હવે તેના પર પણ સવાલો ઉઠ્યા છે. શું ખરેખર ફાસ્ટટેગ સિસ્ટમ બરાબર કામ કરે છે કે આ રીતે દર બીજી ગાડીના પાર્કિંગમાં ઉભેલી કારનો ટેક્સ કપાઇ જાય છે. આ કારના માલિકે તો ફરિયાદ નોંધાવી છે પરંતુ તમે પણ ધ્યાન રાખજો. જો આવી ઘટના તમારી સાથે ઘટે તો તાત્કાલિક ફરિયાદ કરી દો.