BIG NEWS / Tokyo Paralympics: નોઈડાના DM સુહાસે બેડમિન્ટનમાં સિલ્વર મેડલ જીતી રચ્યો ઈતિહાસ

ફાઇનલમાં હાર બાદ સિલ્વર મેડલ જીત્યો 
ગૌતમબુદ્ધ નગરનાં DM અને ભારતીય પેરા શટલર સુહાસ એલ યથીરાજે ટોક્યો પેરાલિમ્પિક્સ ગેમ્સમાં બેડમિન્ટનમાં મેન્સ સિંગલ્સ SL4માં ફાઇનલમાં હાર બાદ સિલ્વર મેડલ જીત્યો છે. ફાઇનલમાં ફ્રાન્સના લુકાસ મઝુરે સુહાસને 15-21, 21-17 અને 21-15થી હરાવ્યા છે. 

Tokyo Paralympics, Badminton Men's Singles SL4: Noida DM Suhas L Yathiraj loses to France's Lucas Mazur, bags silver pic.twitter.com/0ofGdDrzMd

— ANI (@ANI) September 5, 2021

દેશનાં પહેલા એવા DM જે મેડલ જીતીને આવ્યા 
નોંધનીય છે કે સુહાસ દેશનાં પહેલા એવા DM  છે જે પેરાલિમ્પિક્સ ગેમ્સમાં દેશ માટે મેડલ લઈને આવ્યા છે. ગઇકાલે બેડમિન્ટનમાં જ ભારતનાં ખાતામાં ગોલ્ડ મેડલ આવો હતો. SL3 કેટેગરીમાં પ્રમોદ ભગતે દેશ માટે ગોલ્ડ મેડલ જીતીને રેકોર્ડ બનાવ્યો છે. 

સેમીફાઇનલમાં કર્યું હતું શાનદાર પ્રદર્શન 
નોંધનીય છે કે સુહાસ વિશ્વના ત્રીજા નંબરના પેરા બેડમિન્ટન ખેલાડી છે. તેણે સેમિફાઇનલમાં ઇન્ડોનેશિયાના સેથીવાન ફ્રેડીને 21-9, 21-15થી હરાવ્યો હતો. સેમિફાઇનલમાં સુહાસે પ્રથમ ગેમ સરળતાથી જીતી લીધી. બીજી ગેમમાં વિરોધી ખેલાડી તરફથી થોડો પડકાર મળ્યો પરંતુ તેણે આ ગેમમાં પણ પોતાનું નામ બનાવ્યું અને ફાઇનલમાં પ્રવેશ કર્યો.

નોંધનીય છે કે ફ્રાન્સના લુકાસ મઝુરને ગોલ્ડ મેડલ મેચ જીતવા માટે મજબૂત દાવેદાર માનવામાં આવતો હતો.કારણ કે તેણે પહેલેથી જ ટોક્યો પેરાલિમ્પિક્સમાં સુહાસ યથીરાજને એક વાર હરાવ્યો હતો. આ સિવાય તેની રેન્કિંગ પણ નંબર વન હતી.