સિદ્ધી / ટોક્યો પેરાલિમ્પિક્સ : ભારતના વિનોદ કુમારે જીત્યો બ્રોન્ઝ મેડલ, છેલ્લી ઘડીએ અટકાવી દેવાયો, જાણો કારણ

• ટોક્યો પેરાલિમ્પિક્સમાં ડીશ ફેંક રમતમાં વિનોદ કુમારે જીત્યો બ્રોન્ઝ મેડલ 
• વિનોદ કુમારના બ્રોન્ઝ મેડલને 30 ઓગસ્ટ સુધી રોકી દેવાયો
• વિનોદ કુમારની દિવ્યાંગ ક્વોલિફિકેશન પર વિરોધને કારણે નિર્ણય લેવાયો

ડિસ્કસ થ્રો (ડીશ ફેંક) માં ભારતીય ખેલાડી વિનોદ કુમારે પુરુષોની F52 સ્પર્ધામાં બ્રોન્ઝ મેડલ જીત્યો હતો પરંતુ તેમની દિવ્યાંગતા ક્વોલિફિકેશન પર વિરોધને કારણે તેમનો બ્રોન્ઝ મેડલ રોકી દેવાયો. આયોજકોએ 22 ઓગસ્ટે વિનોદને ક્વોલિફાય કર્યો હતો. કયા આધારે તેમની ક્વોલિફિકેશનને પડકારવામાં આવ્યો તે હાલમાં સ્પસ્ટ નથી. રમતના આયોજકોના જણાવ્યાનુસાર પદક સમારોહ 30 ઓગસ્ટ સુધી સ્થગિત કરી દેવાયો છે.

Vinod Kumar wins bronze medal in Discus Throw F52 at Tokyo #Paralympics

(file pic) pic.twitter.com/pqapALYtDi

— ANI (@ANI) August 29, 2021

બીએએફના 41 વર્ષીય જવાન વિનોદ કુમારે 19.91 મીટરના સર્વશ્રેષ્ઠ થ્રોથી એશિયાઈ રેકોર્ડ બનાવીને ત્રીજું સ્થાન મેળવ્યું છે. 

F52 સ્પર્ધા શું છે?
આ કેટેગરીમાં એવા એથ્લેટ્સનો સમાવેશ થાય છે જેમની પાસે નબળા સ્નાયુઓ અને મર્યાદિત હલનચલન, હાથની વિકૃતિઓ અથવા પગની લંબાઈનો તફાવત છે, જે રમતવીરોને બેસવાની સ્થિતિમાં સ્પર્ધા કરવાની મંજૂરી આપે છે. ભારતની ટીમના વડા ગુરશરણ સિંહે કહ્યું કે વિનોદ કુમારનું મેડલ અત્યારે પણ ચાલુ રહેશે. તેમણે કહ્યું, "વિરોધ એક દેશનો હોઈ શકે છે અથવા કદાચ એક કરતા વધારે દેશોનો હોઈ શકે છે, અમને ખબર નથી કારણ કે તે જાહેર કરી શકાતું નથી." વિનોદના વર્ગીકરણમાં કેટલીક સમસ્યાઓ હોઈ શકે છે જે પેરાલિમ્પિક્સની શરૂઆત પહેલા કરવામાં આવી હતી.